Tontosa androany ny fametrahana vato fototra fananganana birao fiasana vaovao eto anivon’ny Ministeran’ny Tontolo iainana sy ny Fandrosoana Lovainjafy izay nomena ny anarana « Maison de la diplomatie verte ».
Birao vaovao hanome lanja bebe kokoa ny sehatry ny diplomasia maitso. Tafiditra ao anatin’izany ny ady amin’ny fiovan’ny toetrandro, ny fampiroboroboana ny fandrosoana lovainjafy ary ny fiarovana ny tontolo iainana.
Fiaraha-miasan’ny
#MEDD amin’ny Vondrona Eoropeana
#UE amin’ny alalan’ny Fandaharanasa
#RINDRA no anatanterahana izao fotodrafitrasa izao. 150 andro no fe-potoana hamitana ny asa. Angovo maitso no hamatsy ity birao vaovao ity ary ao amin’ny Biraon’ny MEDD ao Ampandrianomby no anorenana azy.
Ao anatin’izao fiaraha-miasa izao hatrany ankoatra ny fananganana ity « Maison de la diplomatie verte » ity dia nisy ihany koa ny fanavaozana ny birao fiasan’ny Organe de Coordination des actions stratégiques pour la Diplomatie Verte et des Organismes Rattachés (OC-DVOR).