Kaominina maro manodidina ireo Faritra arovana ao amin’ny Faritra Melaky no nanatanterahan’ny DREDD Melaky fidinana ifotony sy nitondrana fanentanana mahakasika ny ady atao amin’ny doro tanety sy ny doro ala nanomboka ny volana jolay.
Ankoatry ny fanentanana amin’ny ady amin’ny afo sy ny voka-dratsy aterany dia nampahafantarina ny rehetra ihany koa ny lalàna mahakasika ny afo sy ny sazy miandry ireo mpandoro tanety ary ny fandraisan’andraikitry ny rehetra raha sanatria misy tranga na afo.