Tra-tehaky ny Kaomisarian’i Betania – Toliara tao Antsokobory ny kamiao iray nitondra hazo tsy ara-dalàna, tsy misy fahazoan-dalana, miisa 45 omaly 4 jolay 2023,izay nahitana karazan-kazo Sarikily 20 ary hazontsifaka 25 miampy saribao 28 gony. Nogiazan’ny DREDD Atsimo Andrefana ireto hazo ireto sy ny fiara ary natolotra ny Fampanoavana anio 5 jolay ireo olona 2 tratra.
Ilana fahazoan-dalana avy amin’ny Fitaleavam-paritry ny Tontolo iainana sy ny Fandrosoana Lovainjafy ny fitrandrahana sy ny fitaterana ny vokatry ny ala ka entanina hatrany isika hanaraka izany.
Ho fiarovana ny alantsika tsy ho ringana, ny MEDD sy ny Mpitandro ny filaminana dia miara-miasa akaiky ary tsy milefitra amin’ireo izay minia mandika ny lalàna mifehy ny ala.
