Tao amin’ny Tobin’ala Manakazo ao amin’ny Distrikan’Ankazobe no nanatanterahana ny fankalazana ofisialy ny Andro iraisam-pirenena, Fambolena volobe manamorona ny renirano, fanaraha-maso sy fanosohana ireo zanakazo novolena teny an-toerana no nentina nanamarihana izany androany. Nitondra fanentanana ho an’ireo rehetra tonga teny ihany koa ny manam-pahefana tonga teny an-toerana ny tokony hiarovana ny ala amin’ny doro tanety satria dia miantoka ny tombotsoa maro ho an’ny rehetra ny fisian’io ala io.
Hetsika izay niarahana tamin’ny fianakaviamben’ny Ministeran’ny Tontolo iainana sy ny Fandrosoana Lovainjafy notarihan’ny Sekretera Jeneraly mpisolo toerana sy ny Tale Jeneralin’ny Haitondra ara-Tontolo iainana, ny Lefitry ny Distrika sy ny Ben’ny Tanànan’Ankazobe, ireo Mpianala eto anivon’ny MEDD ary ireo mpiara-miombon’antoka.