Voatendry ho Sekretera Jeneralin’ny Ministeran’ny Tontolo iainana sy ny Fandrosoana Lovainjafy nandritra ny Filankevitry ny Minisitra ny Alarobia 15 martsa 2023 lasa teo Andriamatoa MAMITIANA Andriamanjato. Izy no mandimby ny toeran’Andriamatoa ABRAHAM Rajafetra Setraniaina Solomanjaka, Sekretera Jeneraly teo aloha.
Nisaotra sy nankasitraka ny Sekretera Jeneraly teo aloha Ramatoa Minisitra VINA Marie-Orléa, ary nitso-drano sy nirarisoa ny Sekretera Jeneraly vaovao ihany koa ahavita be amin’ny adidy aman’andraikitra izay miandry azy amin’ny fanatanterahana ny Velirano faha-10.