🌿𝗙𝗮𝗿𝗶𝘁𝗿𝗮 𝗦𝗔𝗩𝗔: 𝗡𝗮𝗽𝗲𝘁𝗿𝗮𝗸𝗮 𝗻𝘆 𝗞𝗼𝗺𝗶𝘁𝗶𝗺-𝗽𝗮𝗿𝗶𝘁𝗿𝗮 𝘃𝗮𝗼𝘃𝗮𝗼 𝗵𝗼 𝗳𝗮𝗺𝗽𝗶𝗿𝗼𝗯𝗼𝗿𝗼𝗯𝗼𝗮𝗻𝗮 𝗻𝘆 “𝗘́𝗻𝗲𝗿𝗴𝗶𝗲 𝗕𝗶𝗼𝗺𝗮𝘀𝘀𝗲”

𝘝𝘰𝘩𝘦𝘮𝘢𝘳, 20 𝘫𝘰𝘯𝘢 2025 – Ho fanamafisana ny fiarovana ny ala sy ny harena voajanahary ao amin’ny Faritra SAVA dia nametraka paikady vaovao ny teo anivon’ny Goverinoran’ny Faritra Sava, ny DREDD SAVA ary ny WWF Madagascar. Natsangana arak’izany ny Komitim-paritra ho an’ny “Énergie Biomasse” izay notanterahina tao Vohemar ny 20 jona 2025 lasa tao.

Tsindry lehibe mihatra amin’ny ala voajanahary ny fanapahana hazo tsy ara-dalàna amokarana arina sy kitay. Manoloana izany, napetraka ity paikady vaovao ity izay mikendry ny hanoloana ireo loharanon-angovo manimba ny ala sy ny tontolo iainana ireo, amin’ny angovo azo avy amin’ny fako maro isan-karazany avy amin’ny natiora fantatra amin’ny hoe “énergie biomasse”.

Tanjona amin’ny fametrahana ity Komitim-paritra ity arak’izany ny fandrindrana sy ny fanaraha-maso ny fanatanterahana ireo drafitr’asa napetraka ho fampiroboroboana ny “énergie biomasse” eo anivon’ny faritra SAVA ary ny fanamafisana ny fanentanana amin’ny fampanarahan-dalàna mahakasika ny famokarana arina fandrehitra.

Nitarika ny atrikasa ny Governoran’ny Faritra SAVA, ny DREDD SAVA ary nahitana ny solontenan’ireo mpamokatra sy mpivarotra arina fandrehitra, ny mpitandro ny filaminana, ireo Ben’ny tanàna ary ny mpisehatra isan-karazany izay voakasika ny fiarovana ny ala.