🌳𝗠𝗶𝗳𝗮𝗻𝗱𝗿𝗮𝘆 𝘁𝗮𝗻𝘁𝗲𝗿𝗮𝗸𝗮 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝘀𝘆 𝗻𝘆 𝗸𝗼𝗹𝗼𝗻𝘁𝘀𝗮𝗶𝗻𝗮 𝗻𝗲𝗻𝘁𝗶𝗺-𝗽𝗮𝗵𝗮𝗿𝗮𝘇𝗮𝗻𝗮

Mifamatotra akaiky ny fiarovana ny harena voajanahary sy ny fanajàna ny fomba amam-panao nentim-paharazana. Hahafahana mampiroborobo izany dia nisy ny fanadihadiana nataon’ny #DREDDMenabe sy ny tetikasa #S2NAP izay notanterahina tao amin’ny fokontany dimy ahitana ala honko ao amin’ny distrikan’i #Morondava : Kimony, Betania, Lovobe, Bosy ary Kivalo.

Sokajin’olona maro no nanatanterahana ity fanadihadiana ity, nahitana ny mpanao asa tanana, mpitsabo nentim-paharazana, mpanjono sy mpamboly, tangalamena, mpanao arina sy mpanamboatra botry, ary ireo mpiaro ny tontolo iainana na ny VOI.

Nambaran’ireo mpandray anjara fa mitana andraikitra lehibe amin’ny fiarovana ny honko sy ny zavaboahary ny soatoavina nentim-paharazana, ka tokony hokajiana sy hampidirina amin’ny paikady ara-tontolo iainana.