𝘈𝘯𝘵𝘢𝘯𝘢𝘯𝘢𝘳𝘪𝘷𝘰, 07 𝘢𝘰𝘨𝘰𝘴𝘪𝘵𝘳𝘢 2025
Fanamby iray lehibe hanamafisana ny fiatrehana ny ady amin’ny doro tanety sy ny doro ala sy ny fisorohana izany, ny fiaraha-miantena sy ny fifanomezan-tanan’ny tsirairay. Voakasik’izany avokoa ny Ministera isan-tsokajiny eo anivon’ny Governemanta sy ireo rantsa-mangaikany eny ifotony, ary ny Parlemanta.
Nihaona tao amin’ny tranoben’ny Diplomasia maitso ao Ampandrinaomby arak’izany ireo Sekretera Jeneralin’ny Ministera isan-tsokajiny hanamafisana ny asa eny an-kianja. Fihaonana izay notarihan’Andriamatoa Minisitra Max Andonirina Fontaine .
Tanjona ny fandrindrana ny fandraisana andraikitry ny departemanta tsirairay sy ny paikady entina miatrika ny afo.
