💧🌿𝗖𝗢𝗣𝟭𝟱 𝗥𝗮𝗺𝘀𝗮𝗿 : 𝗙𝗶𝗵𝗮𝗼𝗻𝗮𝗺𝗯𝗲 𝗳𝗮𝗵𝗮-𝟭𝟱 𝗻’𝗶𝗿𝗲𝗼 𝗳𝗶𝗿𝗲𝗻𝗲𝗻𝗮 𝗺𝗶𝗸𝗮𝗺𝗯𝗮𝗻𝗮 𝗮𝗼 𝗮𝗻𝗮𝘁𝗶𝗻’𝗻𝘆 𝗙𝗶𝗳𝗮𝗻𝗮𝗿𝗮𝗵𝗮𝗻𝗮 𝗶𝗿𝗮𝗶𝘀𝗮𝗺-𝗽𝗶𝗿𝗲𝗻𝗲𝗻𝗮 𝗺𝗼𝗺𝗯𝗮 𝗻𝘆 𝗳𝗮𝗿𝗶𝘁𝗿𝗮 𝗺𝗮𝗻𝗱𝗼🦩

𝘕𝘺 23 𝘩𝘢𝘵𝘳𝘢𝘮𝘪𝘯’𝘯𝘺 31 𝘑𝘰𝘭𝘢𝘺 2025 no notanterahina tany #Zimbabwe ny fihaonambe faha 15 (#COP15) an’ireo firenena mikambana ao amin’ny Fifanarahana iraisam-pirenena momba ny faritra mando, anisan’ireo firenena nandray anjara tamin’izany i Madagasikara.

Nanomboka ny taona 1999 nonmpikambana feno tao anatin’ny Fifanarahana #RAMSAR i Madagasikara. Miisa 21 ny faritra mando voasokajy ho Faritra Ramsar eto amintsika, izay mitahiry karazanjavamananaina maro isan-karazany.

Nivoitra nandritra ity COP15 ity fa antoky ny aina ny faritra mando. Ilaina hamafisina arak’izany ny fiarovana sy ny fanarenana azy. Hampifandraisina amin’ireo fifanarahana iraisam-pirenena hafa toy ny karazanjavamananaina, ny fiovan’ny toetrandro ary ny fihangazanana ny mahakasika ny faritra mando ho fanomezan-danja bebe kokoa azy.

Nanome Toky ihany koa ireo mpiara-miombon’antoka fa hanamafy ny fiaraha-miasa amin’ny Fifanarahana RAMSAR amin’ny fitantanana maharitra ny faritra mando.