🌱🌊𝗧𝗲𝘁𝗶𝗸𝗮𝘀𝗮 𝗣𝗖𝗗𝟮 𝗛𝗼𝗻𝗸𝗼 𝗠𝗮𝗺𝗲𝗹𝗼𝗻𝗷𝗮𝗳𝘆 : 𝗛𝗮𝗺𝗮𝗳𝗶𝘀𝗶𝗻𝗮 𝗻𝘆 𝗳𝗮𝗻𝗮𝗿𝗲𝗻𝗮𝗻𝗮 𝗻𝘆 𝗮𝗹𝗮 𝗵𝗼𝗻𝗸𝗼 𝗮𝗺𝗶𝗻’𝗻𝘆 𝘁𝗮𝗽𝗮𝗻𝘆 𝗮𝘃𝗮𝗿𝗮𝘁𝗿’𝗶 𝗠𝗮𝗱𝗮𝗴𝗮𝘀𝗶𝗸𝗮𝗿𝗮

𝘈𝘨𝘯𝘰𝘳𝘰𝘵𝘴𝘢𝘯𝘨𝘢𝘯𝘢, 14 𝘑𝘰𝘯𝘢 2025 — Notanterahina ny 12 ka hatramin’ny 14 Jona 2025 lasa teo tao Ambanja ny atrikasa rejionaly nanaovana tombana ny zavabita sy handrindrana ny asa eo anivon’ny tetikasa PCD2 Honko Mamelonjafy any amin’ny tapany avaratr’i Madagasikara. Tanjon’ity tetikasa ity ny hanarenana ny ala honko simba sy hanatsarana ny fari-piainan’ireo mponina miankina amin’ny jono.

Ny Tetikasa PCD2 Honko Mamelonjafy dia eo ambany fiahian’ny Minisiteran’ny Tontolo Iainana sy ny Fandrosoana Lovainjafy (#MEDD, #DREDDDIANA) ary tanterahin’ny Madagascar National Parks (#MNP) miaraka amin’ny Association Famelona, Conservation International (#CI) ary Wildlife Conservation Society (#WCS).

Anisan’ny nisongadina nandritra ity atrikasa ity ny fanolorana fitaovam-panjonoana maro isan-karazany ho an’ny fikambanan’ny mpanjono ao Agnorotsangana – Ambanja : vedette, lakana, gilets de sauvetage, fitaovana fitehirizana tondro (fumoir),…ho fanohanana ny fiveloman’ny mponina sy fanohanana ny fitantanana maharitra ny harena an-dranomasina.