𝗠𝗮𝗻𝗮𝗺𝗮𝗳𝘆 𝗻𝘆 𝗳𝗮𝗻𝗲𝗻𝘁𝗮𝗻𝗮𝗻𝗮 𝗮𝗺𝗶𝗻’𝗻𝘆 𝗮𝗱𝘆 𝗮𝗺𝗶𝗻’𝗻𝘆 𝗮𝗳𝗼 𝗻𝘆 𝗮𝗼 𝗮𝗺𝗶𝗻’𝗻𝘆 𝗳𝗮𝗿𝗶𝘁𝗿𝗮 𝗠𝗲𝗹𝗮𝗸𝘆

Manamafy ny fanentanana amin’ny ady amin’ny doro tanety sy ny doro ala ny DREDD Melaky sy ny mpiara-miombon’antoka izay nahitana ny TPF sy CJV. Mandritra ity volana jona ity dia ireo kaominina rehetra sy zana-tanàna manodidina ny faritra arovana ao amin’ny faritra Melaky no nosafidiana hanatanterahana ny fanentanana. Ny 2 hatramin’ny 14 jona teo dia tao amin’ny kaominina Veromanga, Maintirano, Tambohorano, Andranovao, Betanatanana ary Andrea izay manodidina ny faritra arovana Mandrozo no nanatanterahana izany. Ankoatra ny fanentanana dia ampahafantarina ireo mponina ihany koa ny lalàna mifehy ny afo sy ireo tombontsoa azo avy amin’ireo faritra arovana ireo.

Hitohy hatrany izao hetsika izao hampahafantarana ny tsirairay ny vokadratsy ateraky ny afo sy hanentanana ny tsirairay hanatsaratra ny fampiasana afo amin’ny fambolena izay anisan’ny mitarika ny doro tanety sy ny doro ala.