𝐘𝐎𝐊𝐎𝐇𝐀𝐌𝐀, 𝐉𝐀𝐏𝐀𝐍𝐀 : 𝐍𝐈𝐒𝐎𝐊𝐀𝐓𝐑𝐀 𝐓𝐀𝐌𝐈𝐍’𝐍𝐘 𝐅𝐎𝐌𝐁𝐀 𝐎̂𝐅𝐈𝐒𝐈𝐀𝐋𝐘 𝐍𝐘 𝐓𝐈𝐂𝐀𝐃 𝟗

𝑳𝙖𝒑𝙖𝒏’𝒊 𝑴𝙖𝒉𝙖𝒛𝙤𝒂𝙧𝒊𝙫𝒐

[𝙁𝒂𝙝𝒂-20 𝙖𝒐𝙜𝒐𝙨𝒊𝙩𝒓𝙖 2025]

Nisokatra tamin’ny fomba ôfisialy teto Yokohama, Japana androany, ny TICAD-9. Fihaonambe iraisampirenena ahitana ny fandraisan’anjaran’ireo Filoham-panjakana sy Lehiben’ny Governemanta, ary solontena ambony avy amin’ireo firenena Afrikana sy Japoney. Kendrena amin’izany ny hanamafisana ny fiaraha-miasa eo amin’i Afrika sy i Japana, ho an’ny fampandrosoana ny roa tonta.

Mandray anjara mavitrika amin’ny TICAD-9 i Madagasikara, amin’ny alalan’ny Praiminisitra, Lehiben’ny Governemanta Ntsay Christian sy ny delegasiaona izay tarihiny. Zava-dehibe ho an’ny firenentsika ny fahafahana mampita ny vina sy tetikasa tafiditra ao anatin’ny laharampahameham-pirenena apetraky ny Filohan’ny Repoblika Andry Rajoelina, mba ahafahana manatanteraka azy ireo miaraka amin’ny mpiara-miombon’antoka sy ny orinasa tsy miankina, ho an’ny fandrosoana maharitra.