𝐅𝐢𝐭𝐚𝐧𝐭𝐚𝐧𝐚𝐧𝐚 𝐦𝐚𝐡𝐚𝐫𝐢𝐭𝐫𝐚 𝐧𝐲 𝐡𝐚𝐫𝐞𝐧𝐚 𝐯𝐨𝐚𝐣𝐚𝐧𝐚𝐡𝐚𝐫𝐲 𝐚𝐳𝐨 𝐡𝐚𝐯𝐚𝐨𝐳𝐢𝐧𝐚

Tontosa ny 10–21 Jolay 2025 tao amin’ny fokontany Ambahaka, Kalafotsy, ary Tsaratanteraka (CR Kalafotsy, Distrika Ikongo, Faritra Fitovinany) ny famolavolana fitaovam-pitantanana ho an’ny harena voajanahary sy ala, entin’ny VOI TSARATANTANA, TSARAMAINTSO, ary AVOTRA, ao anatin’ny Tandavanala COFAV.

Novolavolaina ny:

• Drafi-pitantanana sy Drafi-pananariana

• Dinam-pitantanana

• Bokin’andraikitra sy Drafitr’asa isan-taona

• Famaritana sy fizarana ny faritra iandraiketan’ny VOI

• Famantarana ireo zavamananaina eo an-toerana

Nofaranana tamin’ny fivoriambe sy fankatoavana ofisialy ireo fitaovana ireo, miaraka amin’ireo mpiara-miombon’antoka: DREDD, CEF, TEF, ONG NY TANINTSIKA, Ray aman-dreny Ampanjaka, Fokontany, Ben’ny Tanàna, ary ny Fokonolona.

Natao ihany koa ny fanentanana momba ny fitantanana maharitra, ady amin’ny doro ala, fiovan’ny toetr’andro, sy ny fitrandrahana tsy ara-dalàna.

Io no dingana manan-danja alohan’ny fanaovan-tsonia ny famindram-pitantanana amin’ny fomba ofisialy.