🏜“𝗙𝗮𝗻𝗮𝗿𝗲𝗻𝗮𝗻𝗮 𝗻𝘆 𝘁𝗮𝗻𝘆 𝘀𝗶𝗺𝗯𝗮, 𝘁𝗼𝗺𝗯𝗼𝗻𝘁𝘀𝗼𝗮 𝗺𝗮𝗵𝗮𝗿𝗶𝘁𝗿𝗮 𝗶𝗼𝗺𝗯𝗼𝗻𝗮𝗻𝗮”🌿

𝘍𝘢𝘳𝘢𝘥𝘰𝘧𝘢𝘺, 18 𝘫𝘰𝘭𝘢𝘺 2025

Ny orinasa #QMM dia mandray anjara feno amin’ny ady amin’ny fihangazanana sy ny haintany ao amin’ny Faritra Anôsy. Laharam-pahamehan’ny orinasa ao anatin’ny #RSE na fandraisana andraikitra ara-tsosialy sy ara-tontolo iainana izay tanterahiny ny fikajiana ny tontolo iainana sy ny ala, ary miara-miasa amin’ny mponina eny ifotony izy ireo amin’ny fanatanterahana izany.

Anisan’izany ny fanaovana 𝗳𝗮𝗺𝗯𝗼𝗹𝗲𝗻-𝗸𝗮𝘇𝗼 𝗮𝗻-𝘁𝘀𝗶𝘁𝗿𝗮𝗽𝗼 𝗶𝘀𝗮𝗺-𝗯𝗮𝘁𝗮𝗻’𝗼𝗹𝗼𝗻𝗮 izay ny orinasa no miantoka ny zanakazo fihinam-boa ho volena.

Nandritra ny fanamarihana ny 𝗔𝗻𝗱𝗿𝗼 𝗺𝗮𝗻𝗲𝗿𝗮𝗻-𝘁𝗮𝗻𝘆 𝗶𝗮𝗱𝗶𝗮𝗻𝗮 𝗮𝗺𝗶𝗻’𝗻𝘆 𝗳𝗶𝗵𝗮𝗻𝗴𝗮𝘇𝗮𝗻𝗮𝗻𝗮 𝘀𝘆 𝗻𝘆 𝗵𝗮𝗶𝗻𝘁𝗮𝗻𝘆 tao Faradofay no nizarana ireo zanakazo fihinam-boa ireo tamin’ny mponina ao Ampasy-Nahampoana narahana fizarana jiro mandeha amin’ny herin’ny masoandro.

Nanome voninahitra ity fotoana ity Andriamatoa Minisitra Max Andonirina Fontaine #MEDD sy ireo tompon’andraiki-panjakana ao amin’ny Faritra #Anôsy.