🌊🐢𝗡𝗼𝗵𝗮𝗺𝗮𝗳𝗶𝘀𝗶𝗻𝗮 𝗻𝘆 𝗳𝗮𝗻𝗲𝗻𝘁𝗮𝗻𝗮𝗻𝗮 𝗵𝗼 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘀𝗼𝗸𝗮-𝗱𝗿𝗮𝗻𝗼𝗺𝗮𝘀𝗶𝗻𝗮

Nihaona tamin’ireo mponina sy ny Vondron’olona ifotony (#VOI) ao amin’ny fokontany manamorona ny ranomasina ao anatin’ny 𝗞𝗮𝗼𝗺𝗶𝗻𝗶𝗻𝗮 𝗗𝗲𝗹𝘁𝗮 𝘀𝘆 𝗕𝗲𝗹𝗼 𝘀𝘂𝗿 𝗧𝘀𝗶𝗿𝗶𝗯𝗶𝗵𝗶𝗻𝗮 ao amin’ny 𝗙𝗮𝗿𝗶𝘁𝗿𝗮 𝗠𝗲𝗻𝗮𝗯𝗲 ny 𝗖𝗘𝗙 𝗕𝗲𝗹𝗼 𝘀𝘂𝗿 𝗧𝘀𝗶𝗿𝗶𝗯𝗶𝗵𝗶𝗻𝗮 ao anatin’ny Fitaleavam-paritry ny Tontolo iainana sy ny Fandrosoana Lovainjafy #𝗗𝗥𝗘𝗗𝗗𝗠𝗲𝗻𝗮𝗯𝗲 sy ny solontenan’ny #DRPEB ao 𝗕𝗲𝗹𝗼 𝘀𝘂𝗿 𝗧𝘀𝗶𝗿𝗶𝗯𝗶𝗵𝗶𝗻𝗮 ary ny 𝗙𝗲́𝗱𝗲́𝗿𝗮𝘁𝗶𝗼𝗻 𝗙𝗜𝗩𝗢𝗜 𝗠𝗲𝗻𝗮𝗯𝗲.

Fampatsiahivana ireo mpanjono ny maha-zava-dehibe ny 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘀𝗼𝗸𝗮-𝗱𝗿𝗮𝗻𝗼𝗺𝗮𝘀𝗶𝗻𝗮 na « 𝗙𝗮𝗻𝗼 » no nifantohan’ny fanentanana. Ity toerana ity izay ahitana ireo karazam-biby ireo, saingy tandindonin-doza izy ireo vokatry ny tsindry maro mihatra aminy.

Nampatsiahivina azy ireo tamin’izany fa voasokajy ao anatin’ny 𝗯𝗶𝗯𝘆 𝗮𝗿𝗼𝘃𝗮𝗻𝗮 ny “𝗙𝗮𝗻𝗼” 𝗻𝗮 𝘀𝗼𝗸𝗮-𝗱𝗿𝗮𝗻𝗼𝗺𝗮𝘀𝗶𝗻𝗮 ka voarara ny fanjonoana azy. Efa manakaiky ihany koa izao ny fotoana fanatodizan’ny soka-dranomasina izay iakarany eny amin’ny torapasika ka tsy tokony ho voaelingelina izy ireo amin’izany satria dia miantoka ny fitombon’ny isan’ireto biby ireo ny fiarovantsika azy hanaranaka.