Lohahevitra : » Nosy ho amin’ny ho avy tsy misy fandotoana plastika «
« Île pour un avenir sans pollution plastique «
Tontosa androany 05 jona ny lanonana fankalazana ofisialy ny Andro maneran-tany ho an’ny tontolo iaiainana tato amin’ny Faritra Ihorombe tao amin’ny Kaominina Andohanilakaka izay notarihin’i Rtoa Goverinoran’ny Faritra Ihorombe niaraka tamin’i Lefitry ny Prefektiora Ihosy, Solotena Solombavambahoaka Ihosy, Ben’ny tanànan’Andohanilakaka ary ny avy ato amin’ny DREDD Ihorombe. Tonga mavitrika niara-nientana ireo Sampan-draharaha maro samihafa, Mpiara-miombon’antoka, Fokontany maro amin’ny Kaominina Andohanilakaka, Fikambanana maro samihafa, lonaka, Fokonolona, ary ny mpianatra.
Naharitra telo (03) andro ny fankalazana ary hetsika maro no nentina nanamarihana an’izany.
Ny andro voalohany (03 jona) dia fanentanana tamin’ny Radio tao an-toerana mahakasika ny lohahevitra sy fiarovana ny tontolo iaiainana ; Ny andro faharoa (04 jona) kosa dia fanadiovana ny tanànan’Andohanilakaka, fampiofanana mahakasika ny fako plastika mba ho azo ampiasaina indray ( recyclage déchets plastiques), fitarihana ireo mpianatra mba ho tia sy hiaro ny tontolo iaiainana amin’ny alalan’ny Kilalao (Radio crochet), Tam tam; Ny andro fahatelo, androany 05 jona dia nisy ny diabe ( carnaval) nakivaky ny tanàna, fampirantiana, ary fizarana ny loka ho an’ireo mpianatra.
