“Ny Ala, antoky ny Rano sy Angovo”
Tao anatin’ny firaisankina sy fiaraha-mientana no nanatanterahana ny fambolen-kazo tao Antseseha, fokontany Manamby, distrikan’i Mahabo – Faritra Menabe. Zanakazo 8000 isa no voavoly tamin’izany. Nitarika ny fambolen-kazo ny Lehiben’ny distrikan’i Mahabo notronin’ireo sampan-draharahamparitry ny Ministera isan-tsokajiny ary ny fokonolona eny ifotony.Nanamafy ny tsy maintsy anamafisana ny fanaraha-maso ireo zanakazo novolena ireo ny Lehiben’ny Distrika. Tafiditra ao anatin’izany ny fiarovana azy ireo amin’ny afo.
Mbola ao anatin’ny vanim-potoana fahavaratra tanteraka isika izao ka entanina hatrany ny tsirairay hanatanteraka fambolen-kazo, izay adidy masina ho an’ny taranaka. 
