🌍 𝗙𝗮𝗻𝗮𝗺𝗼𝗿𝗮𝗻𝗮 𝗻𝘆 𝗳𝗶𝘀𝗶𝘁𝗿𝗮𝗵𝗮𝗻𝗮 𝗻𝘆 𝗳𝗮𝗺𝗮𝘁𝘀𝗶𝗮𝗺-𝗯𝗼𝗹𝗮 𝗵𝗼 𝗮𝗻’𝗻𝘆 𝘁𝗼𝗲𝘁𝗿𝗮𝗻𝗱𝗿𝗼

Ho tohin’ny fakan-kevitra efa natao tany Antsiranana, Mahajanga ary Ambovombe mahakasika ny fisitrahana ny famatsiam-bola ho an’ny toetrandro dia anjaran’ny Fianarantsoa indray no nandray ny 𝗮𝘁𝗿𝗶𝗸𝗮𝘀𝗮 𝗳𝗶𝗳𝗮𝗺𝗽𝗶𝗱𝗶𝗻𝗶𝗵𝗮𝗻𝗮 𝗶𝗿𝗮𝗶𝘀𝗮𝗺-𝗽𝗮𝗿𝗶𝘁𝗿𝗮 sy fanentanana amin’ny fahafahana mitantana ny famatsiam-bola maintso amin’ny toetrandro ny 19 – 21 aogositra 2025 teo.

Tafiditra ao anatin’ny fanatanterahana ny rohifiasan’ny 𝗔𝘂𝘁𝗼𝗿𝗶𝘁𝗲́ 𝗡𝗮𝘁𝗶𝗼𝗻𝗮𝗹𝗲 𝗗𝗲́𝘀𝗶𝗴𝗻𝗲́𝗲 (#AND) an’ny 𝗧𝗮𝗵𝗶𝗿𝗶𝗺-𝗯𝗼𝗹𝗮 𝗠𝗮𝗶𝘁𝘀𝗼 𝗵𝗼 𝗮𝗻’𝗻𝘆 𝗧𝗼𝗲𝘁𝗿𝗮𝗻𝗱𝗿𝗼 (#GCF) eto Madagasikara ity atrikasa ity, izay nokarakarain’ny 𝗠𝗶𝗻𝗶𝘀𝗶𝘁𝗲𝗿𝗮𝗻’𝗻𝘆 𝗧𝗼𝗻𝘁𝗼𝗹𝗼 𝗜𝗮𝗶𝗻𝗮𝗻𝗮 𝘀𝘆 𝗻𝘆 𝗙𝗮𝗻𝗱𝗿𝗼𝘀𝗼𝗮𝗻𝗮 𝗟𝗼𝘃𝗮𝗶𝗻𝗷𝗮𝗳𝘆 (#MEDD) tamin’ny alalan’ny #BNCCCREDD+ sy ny #FAO.

Mpisehatra maro miankina sy tsy miankina amin’ny fanjakana ary firaisamonim-pirenena avy amin’ny faritra Matsiatra Ambony, Amoron’i Mania ary Ihorombe no nifanakalo hevitra momba ny hanamorana sy hamaritana ny rafitra fomba fiasa amin’ny fisitrahana ny famatsiam-bola ho an’ny toetrandro.

Tanjon’ny atrikasa ny fanangonana ny hevitry ny mpisehatra isan-tokony mahakasika ny rohifiasa #AND, sy fametrahana fitaovana mahomby hanamorana ny fidirana amin’ny famatsiam-bolan’ny #GCF ary fanentanana amin’ny fahafahana mitantana ny famatsiam-bola maintso amin’ny toetrandro ka ahafahan’ny Rafitra eto an-toerana hisitraka mivantana izany (Entités d’Accès Direct)