🚨🐢𝗦𝗼𝗸𝗮𝘁𝗿𝗮 𝟴𝟱 𝘁𝗿𝗮𝘁𝗿𝗮 𝘁𝗮𝗼 𝗔𝗴𝗻𝗮𝘃𝗶𝗮𝘃𝘆 𝗔𝗺𝗯𝗼𝗻𝗲 – 𝗸𝗮𝗼𝗺𝗶𝗻𝗶𝗻𝗮 𝗔𝗻𝗸𝗶𝗸𝗶𝘃𝗮𝗹𝗼 – 𝗗𝗶𝘀𝘁𝗿𝗶𝗸𝗮𝗻’𝗶 𝗧𝘀𝗶𝗵𝗼𝗺𝗯𝗲

𝘛𝘴𝘪𝘩𝘰𝘮𝘣𝘦 – 𝘍𝘢𝘳𝘪𝘵𝘳𝘢 𝘈𝘯𝘥𝘳𝘰𝘺, 4 𝘥𝘦𝘴𝘢𝘮𝘣𝘳𝘢 2025

Manamafy ny andrimaso eny ifotony sy ny fiaraha-miasa hiadiana amin’ny fitrandrahana sokatra an-tsokosoko ny Minisiteran’ny Tontolo Iainana sy ny Fandrosoana Lovainjafy (#MEDD), ny Turtle Survival Alliance (#TSA), ny mpitandro ny filaminana, ny mponina eny ifotony ary ny mpitantana faritra arovana. Anisan’izany ny fanamafisana ny fametrahana tambazotra mpampita vaovao sy manao fitsirihana eny ifotony.

Ny 04 desambra 2025, dia nahazo antso fanairana ny District Turtle Center #DTC_Tsihombe ny fisian’ny olona mitondra sokatra mandalo tao amin’ny fokontany Agnaviavy Ambone. Nandray ny fepetra mifanaraka amin’izany ny Zandarimariam-pirenena tao an-toerana ka tra-tehaka ny lehilahy iray miaraka amin’ny sokatra 85. Bisikileta 7 no nitondrana ireto sokatra ireto ka mbola karohina ny olona miisa 6 izay niaraka tamin’ity lehilahy tra-tehaka ity.

Fantatra fa any amin’ny fokontany Dabolava – kaominina Ambatosola – Distrikan’i Bekily no saika hitondrana ireto sokatra ireto no izao voasakana izao.

Biby arovana ary efa atahorana ho lany tamingana ny sokatra. Raran’ny lalàna eto Madagasikara sy ny lalàna iraisam-pirenena #CITES ny fitrandrahana, ny famarotana, ny fitaterana, ny fiompiana ary fihinanana sokatra.

Raha mahita tranga fitrandrahana harena voajanahary an-tsokosoko ianao dia antsoy avy hatrany ny laharana maitso 955.