📣 𝗧𝗲𝘁𝗶𝗸𝗮𝘀𝗮 𝗧𝗘𝗙𝗜𝗔𝗟𝗔 : 𝗔𝘁𝗿𝗶𝗸𝗮𝘀𝗮 𝗳𝗮𝗻𝗮𝗺𝗮𝗳𝗶𝘀𝗮𝗻𝗮 𝗳𝗮𝗵𝗮𝗶𝘇𝗮-𝗺𝗮𝗻𝗮𝗼 𝗺𝗼𝗺𝗯𝗮 𝗻𝘆 𝗳𝗶𝘇𝗮𝗿𝗮𝗻𝗮 𝗻𝘆 𝘃𝗼𝗸𝗮𝘁𝗿𝘆 𝗻𝘆 𝗳𝗮𝗻𝗮𝗿𝗲𝗻𝗮𝗻𝗮 𝗻𝘆 𝘁𝗼𝗻𝘁𝗼𝗹𝗼 𝗺𝗮𝗻𝗼𝗱𝗶𝗱𝗶𝗻𝗮

𝘈𝘯𝘵𝘴𝘪𝘳𝘢𝘣𝘦, 01–05 𝘥𝘦𝘴𝘢𝘮𝘣𝘳𝘢 2025

Notanterahana tao Antsirabe ny atrikasa fanamafisana ny fahaiza-manaon’ireo mpisehatra ao anatin’ny tetikasa #TEFIALA momba ny fizarana vokatra avy amin’ny fanjohina ny asa nataon’ny tetikasa, ho fanatsarana ny fanaraha-maso ny asa fanarenana ny tontolo manodidina eny ifotony. 𝗠𝗽𝗮𝗻𝗱𝗿𝗮𝘆 𝗮𝗻𝗷𝗮𝗿𝗮 𝟯𝟰 no nanaraka ny fampiofanana, izay nahitana mpisehatra avy amin’ny tetikasa TEFIALA, ny mpanao gazety, ny teknisianina avy eto anivon’ny #MEDD sy #MINAE (#DCSI, #DREDD).

Fiofanana momba ny fanjohina sy ny fizaram-baovao miainga avy amin’ny angon-drakitra avy eny ifotony no notanterahina. Nifantoka manokana tamin’ny endritany telo lehibe iasan’ny tetikasa ny fiofanana: #Volanony sy #Ranomainty (𝗠𝗮𝘁𝘀𝗶𝗮𝘁𝗿𝗮 𝗔𝗺𝗯𝗼𝗻𝘆) ary #Bas #Mangoky (𝗔𝘁𝘀𝗶𝗺𝗼 𝗔𝗻𝗱𝗿𝗲𝗳𝗮𝗻𝗮). Hetsika izay hanampy betsaka amin’ny fanatsarana ny serasera sy ny fizarana fahalalana ho fanohanana ny asa fanarenana sy ny fitantanana maharitra ny loharanon-karena voajanahary eny anivon’ny mponina eny ifotony.