📚🌿 𝗙𝗮𝗻𝗮𝗯𝗲𝗮𝘇𝗮𝗻𝗮 𝗮𝗿𝗮-𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 : 𝗡𝗮𝗺𝗽𝗮𝗵𝗮𝗳𝗮𝗻𝘁𝗮𝗿𝗶𝗻𝗮 𝗶𝗿𝗲𝗼 𝗮𝗻𝗸𝗶𝘇𝘆 𝘀𝘆 𝘁𝗮𝗻𝗼𝗿𝗮 𝗮𝗼 𝗔𝗻𝗮𝗹𝗮𝗻𝗷𝗶𝗿𝗼𝗳𝗼 𝗻𝘆 𝗮𝗻𝗱𝗿𝗮𝗶𝗸𝗶𝗻𝘆 𝗮𝗺𝗶𝗻’𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮

𝘈𝘯𝘢𝘭𝘢𝘯𝘫𝘪𝘳𝘰𝘧𝘰, 18-20 𝘯𝘰𝘷𝘢𝘮𝘣𝘳𝘢 2025

Mitohy hatrany ny ezaka ataon’ny #𝗗𝗥𝗘𝗗𝗗𝗔𝗻𝗮𝗹𝗮𝗻𝗷𝗶𝗿𝗼𝗳𝗼 amin’ny fanabeazana ara-tontolo iainana eny anivon’ny sekoly. Tao amin’ny 𝗦𝗲𝗸𝗼𝗹𝘆 𝗙𝗝𝗞𝗠 𝗕𝗲𝘁𝗲𝗹𝗮 𝗙𝗲𝗻𝗼𝗮𝗿𝗶𝘃𝗼 𝗔𝘁𝘀𝗶𝗻𝗮𝗻𝗮𝗻𝗮, sy ny 𝗖𝗘𝗚 𝗔𝗴𝗻𝗮𝗳𝗶𝗮𝗳𝘆 𝗦𝗮𝗶𝗻𝘁𝗲-𝗠𝗮𝗿𝗶𝗲 no nanatontosana izany ny 18-19-20 novambra 2025.

Fanentanana sy fanamafisam-pahalalana ho an’ny mpianatra no notanterahina, nanoroana azy ireo ny fomba samihafa fiarovana ny tontolo iainana, toa ny ady amin’ny fiovaovan’ny toetrandro, ny fitandroana ny fahadiovana ary ny fitantanana ny fako eny an-tsekoly sy eny an-tokatrano.

Tanjona ny hamolavolana ireo ankizy mpianatra ireo ho tanora mpandray andraikitra sy manana fihetsika madio sy manaja ny tontolo iainana. Hetsika izay iarahan’ny Minisiteran’ny Tontolo iainana sy ny Fandrosoana Lovainjafy (#MEDD) sy ny Minisiteran’ny Fanabeazam-pirenena (#MEN).