📍𝗟𝗮𝗽𝗮𝗻’𝗻𝘆 𝗔𝗻𝘁𝗲𝗻𝗶𝗺𝗶𝗲𝗿𝗮𝗻𝗱𝗼𝗵𝗼𝗹𝗼𝗻𝗮 – 𝗔𝗻𝗼𝘀𝘆, 📆 𝟮 𝗱𝗲𝘀𝗮𝗺𝗯𝗿𝗮 𝟮𝟬𝟮𝟱

Anisan’ireo Minisitra nasaina manokana nihaino sy namaly ny fanontanian’ireo #Loholona ny 𝗠𝗶𝗻𝗶𝘀𝗶𝘁𝗿𝘆 𝗧𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝘀𝘆 𝗻𝘆 𝗙𝗮𝗻𝗱𝗿𝗼𝘀𝗼𝗮𝗻𝗮 𝗟𝗼𝘃𝗮𝗶𝗻𝗷𝗮𝗳𝘆 (#MEDD).

Teboka roa no nifantohan’ny fandraisam-pitenenan’Andriamatoa Minisitra :

𝗙𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝗮𝗹𝗮 𝘀𝘆 𝗻𝘆 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆

Mirefy 9 tapitrisa hekitara ankehitriny ny velaran’ala eto Madagasikara. 294 monja anefa ny isan’ny Mpianala miandraikitra izany eto anivon’ny Ministera.

Laharam-pahamehana arak’izany ny famerenana amin’ny laoniny ny lanjan’ny Vondron’ny Rano sy Ala. Anisan’izany ny fanampiana isa ny mpianala (4000 fara-fahakeliny), hahafahana manamafy ny fiarovana ireo ala sisa tavela ireo sy hampitomboana ny velaran’ny ala eto amintsika.

𝗙𝗮𝗺𝗲𝗿𝗲𝗻𝗮𝗻𝗮 𝗮𝗺𝗶𝗻’𝗻𝘆 𝗹𝗮𝗼𝗻𝗶𝗻𝘆 𝗻𝘆 𝗹𝗮𝗻𝗷𝗮𝗻’𝗻𝘆 𝗠𝗶𝗻𝗶𝘀𝗶𝘁𝗲𝗿𝗮

Anisan’ny mahatonga ny olan’ny rano sy angovo iainantsika ankehitriny ny fahasimban’ny tontolo iainana sy ny fiovan’ny toetrandro. Zava-dehibe arak’izany ny fanomezan-danja bebe kokoa ny Minisiteran’ny ny Tontolo iainana sy ny Fandrosoana Lovainjafy ahafahana miatrika araka ny tokony ho izy, sy mitondra vahaolana maharitra amin’ny olana ara-tontolo iainana mitranga ankehitriny.