👥️🏡𝗔𝗱𝘆 𝗮𝗺𝗶𝗻’𝗻𝘆 𝗳𝗮𝗻𝗱𝗼𝘁𝗼𝗮𝗻𝗮 : 𝗡𝗶𝘀𝗶𝘁𝗿𝗮𝗸𝗮 𝗳𝗮𝗺𝗽𝗶𝗼𝗳𝗮𝗻𝗮𝗻𝗮 𝗺𝗼𝗺𝗯𝗮 𝗻𝘆 𝗳𝗶𝘁𝗮𝗻𝘁𝗮𝗻𝗮𝗻𝗮 𝗻𝘆 𝗳𝗶𝘁𝗮𝗿𝗮𝗶𝗻𝗮𝗻𝗮 𝗮𝗿𝗮-𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝗻𝘆 𝗳𝗶𝗸𝗮𝗺𝗯𝗮𝗻𝗮𝗻’𝗻𝘆 𝘁𝗮𝗻𝗼𝗿𝗮 “𝗬𝗼𝘂𝘁𝗵 𝗖𝗼𝘂𝗻𝗰𝗶𝗹”

𝘍𝘦𝘯𝘰𝘢𝘳𝘪𝘷𝘰 𝘈𝘵𝘴𝘪𝘯𝘢𝘯𝘢𝘯𝘢, 21 𝘯𝘰𝘷𝘢𝘮𝘣𝘳𝘢 2025

Ho famahana sy fisorohoana ireo karazana olana ara-tontolo iainana mpitranga ao anatin’ny faritra Analanjirofo , sy ho fahampahafantarana fa afaka mametraka fitarainana avokoa ny olom-pirenena rehetra dia nanatanteraka fampiofanana sy fizarana traikefa tamin’ireo tanora avy ao amin’ny Conseil des jeunes d’Analanjirofo na #YouthCouncil ny #DREDDAnalanjirofo ny 21 novambra 2025.

Mahakasika manokana ny fitantanana ireo fitarainana ara-tontolo iainana sy ny Didim-panjakana MECIE N°2025 – 080 na Mise en Compatibilité des Investissements avec l’Environnement no nifampizarana tamin’ireto tanora ireto.

Tao amin’ny biraon’ny DREDD Analanjirofo no notanterahina ny fampiofanana, ary nentanina manokana ireto tanora ireto hizara eny anivon’ny fiaraha-monina misy azy ireo ny traikefa izay azony nandritra ny fampiofanana ho fanapariahana ny fandraisan’andraikitra ara-tontolo iainana eny anivon’ny tsirairay.