🏡𝗔𝗱𝘆 𝗮𝗺𝗶𝗻’𝗻𝘆 𝗳𝗮𝗻𝗱𝗼𝘁𝗼𝗮𝗻𝗮 𝗻𝘆 𝗿𝗶𝘃𝗼𝘁𝗿𝗮 : 𝗡𝗮𝗻𝗮𝘁𝗮𝗻𝘁𝗲𝗿𝗮𝗸𝗮 𝗳𝗶𝘁𝘀𝗶𝗿𝗶𝗵𝗮𝗻𝗮 𝘀𝘆 𝗳𝗮𝗻𝗲𝗻𝘁𝗮𝗻𝗮𝗻𝗮 𝗻𝘆 𝗺𝗽𝗮𝗺𝗽𝗶𝗮𝘀𝗮 𝗳𝗶𝗮𝗿𝗮𝗸𝗼𝗱𝗶𝗮 𝗻𝘆 𝗗𝗥𝗘𝗗𝗗 𝗔𝘁𝘀𝗶𝗻𝗮𝗻𝗮𝗻𝗮

Ny setroka maloto avoakan’ny fiara sy kodiarandroa dia anisan’ny antony miteraka ny fahalotoan’ny rivotra.

Miara-miasa hatrany ny Minisiteran’ny Tontolo Iainana sy ny Fandrosoana Lovainjafy (#MEDD) sy ny Foibe fitsarana fiarakodia #DGSR manohy ny fanentanana ny mpampiasa lalana sy ny fitsirihana ireo fitaovam-pitaterana mampiasa solika ho fanamafisana ny ady amin’ny fandotoana ny rivotra.

Ny 20 sy 21 novambra 2025 teo dia tao #Vatomandry, #Antsapanana ary #Brickaville no nanatanteraka fanentanana sy fitsirihana fiarakodia ny #DREDDAtsinanana sy ny rantsamangaikan’ny fitsarana fiarakodia ao Toamasina.

Fiara miisa 110 no voatsirika, ary 03 tamin’ireo no nahitana setroka maloto diso tafahoatra.

Nametahana autocollant misy hafatra kosa ireo fiara izay hita fa manaraka ny fenitra ny setroka avoakany. Toa izay ihany koa dia nametrahana ity autocollant ity ihany koa ireo biraon’ny koperativa ho fanentanana ny tsirairay amin’ny fikojakojana ny fiara.

Olona maherin’ny 1020 eo arak’izany no nisitraka fanentanana (koperativam-pitaterana, mpitondra fiara sy ireo mpandeha).