🌿 𝗡𝗶𝘀𝗶𝘁𝗿𝗮𝗸𝗮 𝗳𝗮𝗻𝗸𝗮𝘀𝗶𝘁𝗿𝗮𝗵𝗮𝗻𝗮 𝗻𝘆 𝗹𝗲𝗮𝗱𝗲𝗿𝘀 𝗸𝗮𝗺𝗮𝗱𝗼 𝗺𝗲𝗻𝗱𝗿𝗶𝗸𝗮 𝗮𝗼 𝗠𝗮𝗶𝗻𝘁𝗶𝗿𝗮𝗻𝗼

𝘔𝘢𝘪𝘯𝘵𝘪𝘳𝘢𝘯𝘰, 20 𝘕𝘰𝘷𝘢𝘮𝘣𝘳𝘢 2025

Leaders KAMADO miisa 20 mendrika tamin’ireo 60 izay napetraka hita fa tena mavitrika sy nahavita be no notoloran’ny DREDD Melaky fankasitrahana ny 20 novambra 2025 teo, ho famporisihana azy ireo hanamafy hatrany ny ezaka fikajiana ny tontolo iainana amin’ny alalan’ny fampiroboroboana ny fampiasana fatana mitsitsy #KAMADO eny anivon’ny fiaraha-monina.

Mari-pankasitrahana sy finday ary fanamiana no loka nomena azy ireo. Fiaraha-miasa teo amin’ny #DREDDMelaky, ny tetikasa #CIBEL, ny tetikasa Resilience through reforestation ary ny WWF Madagascar no nahafahana nanohana izao hetsika izao.

Afapo tanteraka tamin’ny tohana sy fampiofanana azony ireo mpandray anjara satria dia sady mandray anjara lehibe amin’ny fitantanana maharitra ny ala ny KAMADO no sady mampiroborobo ny fihariana izay ataon’izy ireo ihany koa ny famokarana sy fanapariahana ireo fatana ireo.