🌿🌳𝗩𝗮𝗹𝗮𝗻𝗷𝗮𝘃𝗮𝗯𝗼𝗮𝗿𝘆 𝗠𝗮𝗸𝗶𝗿𝗮 : 𝗛𝗮𝗺𝗮𝗳𝗶𝘀𝗶𝗻𝗮 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗺𝗮𝗻𝗼𝗹𝗼𝗮𝗻𝗮 𝗻𝘆 𝗳𝗶𝘁𝗿𝗮𝗻𝗱𝗿𝗮𝗵𝗮𝗻𝗮 𝘃𝗮𝘁𝗼 𝘀𝗮𝗿𝗼𝗯𝗶𝗱𝘆 𝗮𝗻-𝘁𝘀𝗼𝗸𝗼𝘀𝗼𝗸𝗼.

𝘈𝘯𝘵𝘴𝘢𝘩𝘢𝘷𝘰𝘭𝘢, 7 𝘯𝘰𝘷𝘢𝘮𝘣𝘳𝘢 2025

Anisan’ny tsindry lehibe mihatra amin’ny valanjavaboary #Makira ny fisiana fitrandrahana vato sarobidy an-tsokosoko ao anaty ala.

Ho fanamafisana ny fisorohana ireo karazana tsindry ireo dia nanatanteraka fihaonana maika teto anivon’ny Minisiteran’ny Tontolo iainana sy ny Fandrosoana Lovainjafy (#MEDD) ny tompon’andraikitra isan-tokony notarihan’Andriamatoa Minisitra MANESIMANA Rafanomezantsoa Michaël, ny mpitantana ny valanjavaboahary Makira, ny mpitandro ny filaminana ary mpiara-miombon’antoka maro, nametraka paikady iombonana entina manamafy ny fiarovana ity valanjavaboary ity.

Ankoatra ny fampiharana ny lalàna sy ny fanesorana ireo mpitrandraka an-tsokosoko vato sarobidy ao anaty ala, dia tsy maintsy hamafisina ihany koa ny fanohanana ireo mponina mipetraka manodidina ny faritra arovana amin’ny alalan’ny fanatsarana ny velontenan’izy ireo mba tsy hiankin-doha tanteraka amin’ny ala izy ireo.

Tombontsoa maro no sitrahintsika avy amin’ireny faritra arovana ireny satria ankoatra ny fisian’ny mpizahatany izay mampihodina ny toekarena eny ifotony dia avy ao ihany koa no misy ny loharano ampiasaintsika andavanandro ary ny ala ao aminy no miantoka ny faharetan’ireo zavamaniry sy biby ao aminy.