🌿🌱𝗙𝗮𝗿𝗶𝘁𝗿𝗮 𝗦𝗼𝗳𝗶𝗮 : 𝗡𝗶𝗳𝗮𝗺𝗼𝘁𝗼𝗮𝗻𝗮 𝘁𝗮𝗼 𝗣𝗼𝗿𝘁-𝗕𝗲𝗿𝗴𝗲́ 𝗻𝗮𝗻𝗮𝘁𝗮𝗻𝘁𝗲𝗿𝗮𝗸𝗮 𝗳𝗮𝗺𝗯𝗼𝗹𝗲𝗻-𝗸𝗮𝘇𝗼🌳

𝑃𝑜𝑟𝑡-𝑏𝑒𝑟𝑔𝑒, 10 𝑗𝑎𝑛𝑜𝑎𝑟𝑦 2026

«𝘓𝘢𝘯̃𝘪𝘯𝘺 𝘮𝘢𝘮𝘣𝘰𝘭𝘺 𝘬𝘢𝘬𝘢𝘻𝘰, 𝘮𝘢𝘮𝘱𝘢𝘵𝘢𝘯̃𝘢 𝘢𝘪𝘯̃𝘺»

Tao #Andrimbovontsona, Kaominina 𝗣𝗼𝗿𝘁-𝗕𝗲𝗿𝗴𝗲́, no nanombohana tamin’ny fomba ofisialy ny taom-pambolen-kazo tao amin’ny faritra Sofia.

Zanakazo miisa 2 300, nahitana zanakazo zanatany sy hazo fihinam-boa no novolena tamin’ny velaran-tany 2,50 hekitara.

Nitarika ny hetsika ny #DREDDSofia ary notronin’ny Solombavambahoaka voafidy tao amin’ny distrikan’i Port-Bergé, ny Lehiben’ny Faritra Sofia, ny tompon’andraiki-panjakana eo anivon’ny faritra, ny mpitondra fivavahana, ny mpiara-miombon’antoka, ny mpitandro ny filaminana ary ny mponina ao Andrimbovontsona.

Nanentana ireo Kaominina miisa 120 ao Sofia ny Lehiben’ny Faritra hanamafy ny fambolen-kazo, hikobaby sy hikolokolo ireo hazo novolena mba ho lova ho an’ny taranaka.

Nofaranana tamin’ny fanolorana fatana mitsitsy ho an’ireo izay nahavita namboly zanakazo betsaka tao amin’ny Fokontany Andrimbovontsona ny lanonana ho fanehoana ny fankasitrahana azy ireo.