🌿𝗙𝗮𝗻𝗼𝗺𝗯𝗼𝗵𝗮𝗻𝗮 𝗻𝘆 𝗳𝗮𝗺𝗯𝗼𝗹𝗲𝗻-𝗸𝗮𝘇𝗼 – 𝗙𝗮𝗿𝗶𝘁𝗿𝗮 𝗦𝗔𝗩𝗔🌱

𝘔𝘰𝘳𝘢𝘧𝘦𝘯𝘰 – 𝘚𝘢𝘮𝘣𝘢𝘷𝘢, 23 𝘫𝘢𝘯𝘰𝘢𝘳𝘺 2026

“ 𝗜𝘇𝗮𝘆 𝗺𝗮𝗺𝗯𝗼𝗹𝘆 𝗵𝗮𝘇𝗼, 𝗺𝗮𝗻𝗼𝗺𝗲 𝗮𝗶𝗻𝗮 ”

Tao #Ankijaha – kaominina #Morafeno – Distrikan’i Sambava no nanombohana ny taom-pambolen-kazo tao amin’ny Faritra SAVA. Hetsika izay notarihan’ny #DREDDSAVA ary notronin’ny Solombavambahoaka voafidy tao amin’ny distrikan’i Sambava, ny Lehiben’ny Faritra SAVA, ny Prefektiora, ny sampan-draharaham-panjakana, fikambanana maro samihafa, ny mpiara-miombon’antoka.

Nanao ezaka manokana ny DREDD tamin’ny famokarana zanakazo hanamorana ny fisitrahan’ny tsirairay izany. Ho an’ny kaominina Morafeno manokana dia zanakazo 25 000 no novokarina ary novolena nandritra ity fotoana ity.

Nirindra tamin’ny hetsika tao Morafeno dia samy nanatanteraka fambolen-kazo avokoa ny distrika tsirairay eo anivon’ny faritra SAVA. Zanakazo 5000 no voavoly tao Andranotsara Antalaha, 15 000 ny tao Anketraka Vohemar, ary 7000 ny tao Tanambao Andapa.

Ankoatra ny fanamafisana ny fambolen-kazo dia ataontsika laharam-pahamehana ny fiarovana, ny fanaraha-maso ary ny fikolokoloana ireo zanakazo mba tsy ho very maina ny ezaka izay ataontsika .