🌿𝗖𝗗𝗡 𝟯.𝟬 : 𝗙𝗮𝗻𝗮𝗺𝗯𝘆 𝗻𝘆 𝗳𝗮𝗺𝗽𝗶𝗱𝗶𝗿𝗮𝗻𝗮 𝗮𝗼 𝗮𝗻𝗮𝘁𝘆 𝗽𝗮𝗶𝗸𝗮𝗱𝘆 𝗻𝘆 𝗳𝗶𝗮𝘁𝗿𝗲𝗵𝗮𝗻’𝗻𝘆 𝘁𝗮𝗻𝗮𝗻-𝗱𝗲𝗵𝗶𝗯𝗲 𝗻𝘆 𝗳𝗶𝗼𝘃𝗮𝗻’𝗻𝘆 𝘁𝗼𝗲𝘁𝗿𝗮𝗻𝗱𝗿𝗼

𝘈𝘯𝘵𝘢𝘯𝘢𝘯𝘢𝘳𝘪𝘷𝘰, 12 𝘥𝘦𝘴𝘢𝘮𝘣𝘳𝘢 2025

Nanatanteraka atrikasa nandinihana ireo fanamby ara-tontolo iainana an-tanan-dehibe izay ho raiketina ao anatin’ny 𝗖𝗼𝗻𝘁𝗿𝗶𝗯𝘂𝘁𝗶𝗼𝗻 𝗗𝗲́𝘁𝗲𝗿𝗺𝗶𝗻𝗲́𝗲 𝗮𝘂 𝗻𝗶𝘃𝗲𝗮𝘂 𝗡𝗮𝘁𝗶𝗼𝗻𝗮𝗹 (𝗖𝗗𝗡 𝟯.𝟬) an’i 𝗠𝗮𝗱𝗮𝗴𝗮𝘀𝗶𝗸𝗮𝗿𝗮 ny Minisiteran’ny Tontolo iainana sy ny Fandrosoana Lovainjafy (#MEDD), niaraka tamin’ireo sehatra voakasika mivantana amin’izany izay nahitana ny fandraisan’anjaran’ny #MATSF, #MEH, #BNGRC, #CPGU, #MTM.

Ity atrikasa ity dia natao indrindra hanamafisana ny fahaiza-manaon’ireo mpiantsehatra isan-tsokajiny amin’ny fiatrehana ny fanamby ateraky ny fiovan’ny toetrandro an-tanam-dehibe. Nifantoka manokana tamin’ny famantarana ireo programan’asa laharam-pahamehana tokony ho raiketina ao anatin’ny CDN 3.0 ny dinika, indrindra ny fampiroboroboana ny fotodrafitrasa maharitra sy mahatanty ny fiovan’ny toetrandro.

Tanjona ny hisian’ny fandrosoana maharitra amin’ireo tanàn-dehibe eto Madagasikara izay afaka miatrika ny fiovan’ny toetrandro.