🌿𝗔𝗻𝘁𝘀𝗼𝗻𝗱𝗿𝗼𝗻𝗱𝗮𝘃𝗮 : 𝗛𝗮𝗻𝗮𝗺𝗮𝗳𝘆 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆 𝗮𝗼 𝗮𝗺𝗶𝗻𝘆 𝗻𝘆 𝗺𝗽𝗼𝗻𝗶𝗻𝗮

𝘬𝘢𝘰𝘮𝘪𝘯𝘪𝘯𝘢 𝘈𝘯𝘵𝘴𝘰𝘯𝘥𝘳𝘰𝘯𝘥𝘢𝘷𝘢 – 𝘋𝘪𝘴𝘵𝘳𝘪𝘬𝘢𝘯’𝘪 𝘔𝘢𝘪𝘯𝘵𝘪𝘳𝘢𝘯𝘰, 28 𝘯𝘰𝘷𝘢𝘮𝘣𝘳𝘢 2025

Nanatanteraka hetsika fanentanana ara-tontolo iainana tamin’ireo mponina ao amin’ny kaominina #Antsondrondava – Distrikan’i #Maintirano ny #DREDDMelaky niaraka tamin’ny #Zandarimariampirenena ao Maintirano, ny Ben’ny tanàna ary ireo Chef Fokontany 4.

Fanamafisana ny fandriam-pahalemana, ny ady amin’ny fitrandrahana an-tsokosoko ny ala, ny fanamafisana ny fambolen-kazo sy ny ady amin’ny doro tanety sy ny doro ala no niompanan’ny lahadinika.

Manodidina ny 300 ny vatan-dehilahy tonga niatrika ity hetsika ity ary naneho ny fahavononany handray ny andraikitr’izy ireo amin’ny fiarovana ny harena voajanahary eo aminy. Ankoatr’izay dia ho jerena ihany koa ny fomba hanamafisana ny velontenan’ny mponina hisorohana ny fitrandrahana tsy ara-drariny ny ala.