🌿♻️ 𝗙𝗮𝗺𝗽𝗶𝗿𝗮𝘁𝗶𝗮𝗻𝗮 𝗺𝗼𝗺𝗯𝗮 𝗻𝘆 𝘁𝗼𝗲𝗸𝗮𝗿𝗲𝗻𝗮 𝗺𝗶𝗵𝗼𝗱𝗶𝗻𝗮

Anisan’ny olana ara-tontolo iainana goavana sedrain’izao tontolo izao ankehitriny ny fandotoana ankoatra ny fiovan’ny toetrandro sy ny fahaverezan’ny karazanjavamanaina. Antony lehibe iray miteraka ny fiovan’ny toetrandro ny famokarana entona mangeja hafanana #GES. Hahafahana misoroka izany, ny Minisiteran’ny Tontolo iainana sy ny Fandrosoana Lovainjafy dia mamporisika hatrany ny fomba famokarana sy fanjifana manaja ny tontolo iainana.

Ao anatin’ny fanamarihana ny Journée mondiale du passager dia nosokafana tamin’ny fomba ofisialy tao amin’ny seranam-piaramanidina iraisam-pirenena Ivato ny hetsika fampirantiana « 𝗟’𝗲́𝗰𝗼𝗻𝗼𝗺𝗶𝗲 𝗰𝗶𝗿𝗰𝘂𝗹𝗮𝗶𝗿𝗲 𝗮𝘂 𝗰œ𝘂𝗿 𝗱𝗲 𝗹𝗮 𝗽𝗿𝗼𝘁𝗲𝗰𝘁𝗶𝗼𝗻 𝗱𝗲 𝗹’𝗲𝗻𝘃𝗶𝗿𝗼𝗻𝗻𝗲𝗺𝗲𝗻𝘁 » izay karakarain’ny Ravinala Airports sy ny Groupement des Acteurs en Déchets et Alternatives Écologiques de Madagascar (#GADAEM). Hetsika izay eo ambany fiahian’ny Minisiteran’ny Fitaterana sy ny Famantarana ny toetrandro sy ny Minisiteran’ny Tontolo iainana sy ny Fandrosoana Lovainjafy (#MEDD).

Ny fanodinana fako ho akora fototra amin’ny asa tanana dia sady fampiroboroboana ny toekarena maitso sy fanehoana ihany koa ny fahaiza-manao amin’ny asatanana malagasy. Hita taratra tamin’ny ranty nataon’ireo mpikambana ao amin’ny GADAEM izany.