🌳👮‍♂️𝗛𝗮𝘇𝗼 𝘁𝘀𝘆 𝗮𝗿𝗮-𝗱𝗮𝗹𝗮̀𝗻𝗮 𝘁𝗿𝗮𝘁𝗿𝗮 𝘁𝗮𝗼 𝗔𝗻𝗸𝗮𝘇𝗼𝗯𝗲

𝘈𝘯𝘬𝘢𝘻𝘰𝘣𝘦, 19 𝘯𝘰𝘷𝘢𝘮𝘣𝘳𝘢 2025

Ny 𝗳𝗶𝘁𝗿𝗮𝗻𝗱𝗿𝗮𝗵𝗮𝗻𝗮 𝗻𝘆 𝘃𝗼𝗸𝗮𝘁𝗿𝘆 𝗻𝘆 𝗮𝗹𝗮 eto Madagasikara dia fehezin’ny lalàna ary 𝘁𝘀𝘆 𝗺𝗮𝗶𝗻𝘁𝘀𝘆 𝗮𝗵𝗮𝘇𝗼𝗮𝗻𝗮 𝘁𝗮𝗿𝗮𝘁𝗮𝘀𝘆 avy amin’ny Minisiteran’ny Tontolo Iainana sy ny Fandrosoana Lovainjafy (#MEDD) na ny #DREDD isam-paritra. Izay manao fitrandrahana an-tsokosoko dia voasazy araka ny lalàna ka entanina hatrany ny rehetra hanaraka ny dingana ara-dalàna sy haka ny fahazoan-dalana manao izany eny amin’ny #DREDD sy ireo Cantonnement des Eaux et Forêts (#CEF) manerana ny Nosy.

Ny 19 Novambra 2025, tokony ho tamin’ny 3 ora maraina, fiara iray nitondra 𝗵𝗮𝘇𝗼 𝘁𝘀𝘆 𝗮𝗿𝗮-𝗱𝗮𝗹𝗮̀𝗻𝗮 no voasambotry ny 𝗢𝗣𝗝 𝗥𝗮𝗻𝗼 𝘀𝘆 𝗔𝗹𝗮 ao amin’ny #CEF_Ankazobe – #DREDDAnalamanga ary niarahana tamin’ny Zandarimariam-pirenena, taorian’ny fampitam-baovao azo. 𝗢𝗹𝗼𝗻𝗮 𝗺𝗶𝗶𝘀𝗮 𝘁𝗲𝗹𝗼 sy ny mpamily ny fiara no voasambotra ary efa eo am-panaovana fanadihadiana.

Ao anatin’ny dingana fanovana izay iarahantsika mametraka ny fanarahan-dalàna, izay minatoka ny fitantanana mahatitra ny ala eto amintsika, koa ‘ndao samy hanao ezaka amin’izany fanarahan-dalàna izany isika.