🌳👮‍♂️𝗕𝗲𝗹𝗼 𝘀𝘂𝗿 𝗧𝘀𝗶𝗿𝗶𝗯𝗶𝗵𝗶𝗻𝗮 : 𝗛𝗮𝗻𝗱𝗿𝗮𝘆 𝗳𝗲𝗽𝗲𝘁𝗿𝗮 𝗵𝗲𝗻𝘁𝗶𝘁𝗿𝗮 𝗻𝘆 𝗠𝗘𝗗𝗗 𝘀𝘆 𝗻𝘆 𝗢𝗠𝗖 𝗺𝗮𝗵𝗮𝗸𝗮𝘀𝗶𝗸𝗮 𝗶𝗿𝗲𝗼 𝗼𝗹𝗼𝗻𝗮 𝗺𝗼𝗻𝗶𝗻𝗮 𝗮𝗼 𝗮𝗻𝗮𝘁𝘆 𝗮𝗹𝗮 𝗺𝗮𝗺𝗼𝘁𝗶𝗸𝗮 𝗻𝘆 𝗮𝗹𝗮𝗻’𝗶 𝗠𝗮𝘀𝗼𝗮𝗿𝗶𝘃𝗼.

𝘉𝘦𝘭𝘰 𝘴𝘶𝘳 𝘛𝘴𝘪𝘳𝘪𝘣𝘪𝘩𝘪𝘯𝘢, 22 𝘯𝘰𝘷𝘢𝘮𝘣𝘳𝘢 2025

Taorian’ny fihaonana notanterahina teto anivon’ny Minisiteran’ny Tontolo iainana sy ny Fandrosoana Lovainjafy (#MEDD) taty Antananarivo, dia nidina any Belo sur Tsiribihina avy hatrany ny tompon’andraikitra isan-tokony hanala ireo olona monina ao anaty alan’i Masoarivo.

Nisy ny fivorian’ny #OMCélargi notanterahina tao Belo sur Tsiribihina anio 22 novambra 2025, nandaminana ny paikady entina manatanteraka ny fanalana ireo olona ao anaty ala izay nahitana ny solontena avy eto anivon’ny Minisiteran’ny Tontolo iainana sy ny Fandrosoana Lovainjafy (#MEDD), ny #DREDDMenabe, ny Solombavambahoaka voafidy tao Belo sur Tsiribihina, ny Lehiben’ny fitsarana ao an-toerana, ny Miaramila, Zandarimariam-pirenena, Polisim-pirenena, ary ireo olobe.

Aorian’izao fivorian’ny OMC élargi izao dia hisy avy hatrany ny fidinana ifotony ao amin’ny Alan’i Masoarivo ao amin’ny kaominina Masoarivo Atsimo, Kaominina Adimaky ary Kaominina Amboalimena.

Hifanome tanana amin’ny fampaharetana ny fiarovana ny alan’i Mahasoa ny MEDD sy ny Zandarimariam-pirenena ary ny fikambanam-pokonolona #TAVI na Tanora Aron’ny vahoaka ao anatin’ny Distrikan’i Belo sur Tsiribihina hiaro ireo Ala ireo .