🌳🐢𝗔𝗱𝘆 𝗮𝗺𝗶𝗻’𝗻𝘆 𝗳𝗶𝘁𝗿𝗮𝗻𝗱𝗿𝗮𝗵𝗮𝗻𝗮 𝗮𝗻-𝘁𝘀𝗼𝗸𝗼𝘀𝗼𝗸𝗼 𝗻𝘆 𝘇𝗮𝘃𝗮𝗺𝗮𝗻𝗮𝗻𝗮𝗶𝗻𝗮 𝗱𝗶𝗮 : 𝗡𝗼𝘁𝗮𝗻𝘁𝗲𝗿𝗮𝗵𝗶𝗻𝗮 𝘁𝗮𝗻𝘆 𝗙𝗼𝗿𝘁-𝗗𝗮𝘂𝗽𝗵𝗶𝗻 𝗻𝘆 𝗳𝗶𝗵𝗮𝗼𝗻𝗮𝗻𝗮 𝗮𝗻-𝗱𝗮𝘁𝗮𝗯𝗮𝘁𝗿𝗮 𝗯𝗼𝗿𝗶𝗯𝗼𝗿𝘆 𝗵𝗮𝗺𝗲𝘁𝗿𝗮𝗵𝗮𝗻𝗮 𝗽𝗮𝗶𝗸𝗮𝗱𝘆 𝗺𝗮𝗵𝗼𝗺𝗯𝘆

𝘍𝘰𝘳𝘵-𝘋𝘢𝘶𝘱𝘩𝘪𝘯, 5 𝘋𝘦𝘴𝘢𝘮𝘣𝘳𝘢 2025

Natao tao Faradofay ny fihaonana an-databatra boribory ho 𝗳𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗮𝗱𝘆 𝗮𝗺𝗶𝗻’𝗻𝘆 𝗳𝗶𝘁𝗿𝗮𝗻𝗱𝗿𝗮𝗵𝗮𝗻𝗮 𝗮𝗻-𝘁𝘀𝗼𝗸𝗼𝘀𝗼𝗸𝗼 𝗻𝘆 𝗸𝗮𝗿𝗮𝘇𝗮𝗺-𝗯𝗶𝗯𝘆 𝗱𝗶𝗮 (𝗲𝘀𝗽𝗲̀𝗰𝗲𝘀 𝘀𝗮𝘂𝘃𝗮𝗴𝗲𝘀). Andriamatoa Minisitra 𝗠𝗮𝗻𝗲𝘀𝗶𝗺𝗮𝗻𝗮 𝗥𝗮𝗳𝗮𝗻𝗼𝗺𝗲𝘇𝗮𝗻𝘁𝘀𝗼𝗮 𝗠𝗶𝗰𝗵𝗮𝗲̈𝗹, Minisitry ny Tontolo Iainana sy ny Fandrosoana Lovainjafy (#MEDD) no nitarika ny fifampidinihana, ary nahitana fandraisana anjaran’ireo tompon’andraikitra isan-tokony avy amin’ny Faritra Anôsy sy Androy, ny mpiara-miombon’antoka, ny mpitandro filaminana ary ny solontenan’ny mponina eny ifotony.

Nandritra ny fihaonana dia nisongadina manokana ny 𝗳𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗮𝗱𝘆 𝗮𝗺𝗶𝗻’𝗻𝘆 𝗳𝗶𝘁𝗿𝗮𝗻𝗱𝗿𝗮𝗵𝗮𝗻𝗮 𝗮𝗻-𝘁𝘀𝗼𝗸𝗼𝘀𝗼𝗸𝗼 𝗻𝘆 𝘀𝗼𝗸𝗮𝘁𝗿𝗮. Tapaka nandritra ny fifanakalozan-kevitra fa 𝗵𝗮𝘁𝗼𝗺𝗯𝗼𝗸𝗮 𝗮𝘃𝘆 𝗵𝗮𝘁𝗿𝗮𝗻𝘆 𝗶𝗿𝗲𝘁𝗼 𝗽𝗮𝗶𝗸𝗮𝗱𝘆 𝗺𝗮𝗻𝗮𝗿𝗮𝗸𝗮 𝗶𝗿𝗲𝘁𝗼 :

Fanamafisana ny fiaraha-miasa eo amin’ny #DREDD, ny mpitandro filaminana, ny Turtle Survival Alliance (#TSA) ary ny mponina eny ifotony;

Fanitarana ny tambajotran’ireo mpizara vaovao (informateurs) eny ifotony;

Fanamafisana ny fanaraha-maso eny an-dranomasina sy ny fisavana eny anivon’ny lalam-pirenena;

Fampitomboana ny hetsika fanentanana eny ifotony;

Fampiharana hentitra ny lalàna sy fanamafisana ny Dina;

Fanamafisana ny fanaraha-maso sy ny fitantanana ny faritra arovana;

Fanatsarana ny velontenan’ny mponina hampaharitra ny asa fiarovana sy sokatra sy ny toeram-ponenany.

Ny 𝘁𝗲𝘁𝗶𝗸𝗮𝘀𝗮 𝗣𝗔-𝗖𝗜𝗪𝗧 𝘀𝘆 𝗻𝘆 𝗙𝗘𝗠 (Tahirimbola Iraisam-pirenena ho an’ny Tontolo Iainana) no namatsy sy nanohana ny fanatanterahana ity fihaonana ity.