🌳🌿𝗠𝗲𝗻𝗮𝗯𝗲 : 𝗡𝗶𝘀𝗶𝘁𝗿𝗮𝗸𝗮 𝗳𝗶𝘁𝘀𝗶𝗱𝗶𝗵𝗮𝗻𝗮 𝘁𝗮𝗼 𝗮𝗺𝗶𝗻’𝗻𝘆 𝗙𝗮𝗿𝗶𝘁𝗿𝗮 𝗔𝗿𝗼𝘃𝗮𝗻𝗮 𝗠𝗲𝗻𝗮𝗯𝗲 𝗔𝗻𝘁𝗶𝗺𝗲𝗻𝗮 𝗶𝗿𝗲𝗼 𝗺𝗽𝗶𝗮𝗻𝗮𝘁𝗿𝗮 𝗺𝗲𝗻𝗱𝗿𝗶𝗸𝗮

Vokatry ny fiaraha-miasa teo amin’ny #DREDDMenabe, ny #DRENMenabe ary ny #Fanamby, dia nisitraka fitsidihana tao amin’ny 𝗙𝗮𝗿𝗶𝘁𝗿𝗮 𝗔𝗿𝗼𝘃𝗮𝗻𝗮 𝗠𝗲𝗻𝗮𝗯𝗲 𝗔𝗻𝘁𝗶𝗺𝗲𝗻𝗮 ireo 𝗺𝗽𝗶𝗮𝗻𝗮𝘁𝗿𝗮 𝗺𝗲𝗻𝗱𝗿𝗶𝗸𝗮 tao Menabe, ho fankasitrahana azy ireo tamin’ny ezaka nataony nandritra ny taom-pianarana 2024–2025.

Ankoatra izany, natao ihany koa izao hetsika izao hanamafisana ny 𝗳𝗶𝘁𝗮𝗶𝘇𝗮𝗻𝗮 𝘀𝘆 𝗳𝗮𝗻𝗮𝗯𝗲𝗮𝘇𝗮𝗻𝗮 ireo tanora mpianatra ho tia sy hanaja ny 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆 mampiavaka ny faritra.

Ireo mpianatra avy amin’ny Sekoly Katolika St Ignace de Loyola ao Kiboy, EPP Tsianaloky, CPC St Vincent de Paul Tsimafana, CPC St Mathias ao Lambokely, ary ny École Privée Ravinala ao Kirindy no nandray anjara tamin’ity fitsidihana manokana ity.

Narahina fanentanana ihany koa ny hetsika, natao hampahafantarana sy hamporisihana ireo tanora hitarika ny hafatra momba ny fiarovana ny tontolo iainana eny anivon’ny fiarahamonina misy azy.