🌳🌳𝗡𝗮𝗻𝗮𝗼𝘃𝗮𝗻𝗮 𝘁𝗼𝗺𝗯𝗮𝗻’𝗲𝘇𝗮𝗸𝗮 𝗻𝘆 𝗩𝗢𝗜 𝗺𝗶𝘁𝗮𝗻𝘁𝗮𝗻𝗮 𝗻𝘆 𝗮𝗹𝗮 𝗵𝗼𝗻𝗸𝗼 𝗮𝗼 𝗔𝗻𝗱𝗿𝗮𝗵𝗮𝗻𝗴𝘆 – 𝗠𝗮𝗿𝗼𝗳𝗮𝗻𝗱𝗶𝗹𝗶𝗮

𝘔𝘢𝘳𝘰𝘧𝘢𝘯𝘥𝘪𝘭𝘪𝘢 – 𝘔𝘰𝘳𝘰𝘯𝘥𝘢𝘷𝘢, 17-22 𝘯𝘰𝘷𝘢𝘮𝘣𝘳𝘢 2025

Araky ny làlana mifehy ny 𝗳𝗮𝗺𝗶𝗻𝗱𝗿𝗮𝗺-𝗽𝗶𝘁𝗮𝗻𝘁𝗮𝗻𝗮𝗻𝗮 𝗻𝘆 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆 azo havaozina izay voarakitra ao anatin’ny boky fifanekem-pitantanana dia tsy maintsy anaovana 𝘁𝗼𝗺𝗯𝗮𝗻’𝗲𝘇𝗮𝗸𝗮 𝗻𝘆 𝗳𝗶𝗸𝗮𝗺𝗯𝗮𝗻𝗮𝗻𝗮 𝗩𝗢𝗜 izay nahavita ny fe-potoana nitantanany ny faritra arovana iray. Aorian’ny fanaovana tomban’ezaka no anohizana na tsia ny fifanekena famindram-pitantanana.

Ny 17 – 22 novambra 2025 dia nanaovanan’ny DREDD#Menabe tomban’ezaka ny 𝗩𝗢𝗜 𝗦𝗢𝗔𝗠𝗜𝗥𝗔𝗬 𝗔𝗻𝗱𝗿𝗮𝗵𝗮𝗻𝗴𝘆 ao amin’ny 𝗙𝗼𝗸𝗼𝗻𝘁𝗮𝗻𝘆 𝗔𝗻𝗱𝗿𝗮𝗵𝗮𝗻𝗴𝘆, 𝗞𝗮𝗼𝗺𝗶𝗻𝗮 𝗠𝗮𝗿𝗼𝗳𝗮𝗻𝗱𝗶𝗹𝗶𝗮, 𝗗𝗶𝘀𝘁𝗿𝗶𝗸𝗮 𝗠𝗼𝗿𝗼𝗻𝗱𝗮𝘃𝗮, izay nitantana 𝗔𝗹𝗮 𝗛𝗼𝗻𝗸𝗼 𝗺𝗶𝗿𝗲𝗳𝘆 𝟱 𝟲𝟳𝟬𝗵𝗮 nandritra ny telo taona. Anisan’ny nojerena tamin’izany ny fanajana ny drafim-panajariana, ny sosialin’ny fikambana, ny fampiasana ny fitaovana nampianarina azy ireo (outils de gestion), ny fiantraikan’ny fitantanana eo amin’ny fampandrosoana indrindra fa ireo mpikambana ao anatiny.

Ny WWF izay mpiara-miombon’atonka amin’ny Minisitera no nanao ny tantsoroka ity VOI SOAMIRAY ity niaraka tamin’ny DREDD Menabe nandritra ny fitantanan’izy ireo ity faritr’ala honko ity.