🌳🌳𝗠𝗲𝗻𝗮𝗯𝗲 𝗔𝗻𝘁𝗶𝗺𝗲𝗻𝗮 : 𝗡𝗶𝘀𝗶𝘁𝗿𝗮𝗸𝗮 𝗳𝗮𝗺𝗽𝗶𝗼𝗳𝗮𝗻𝗮𝗻𝗮 𝗺𝗼𝗺𝗯𝗮 𝗻𝘆 𝗳𝗶𝗼𝗺𝗽𝗶𝗮𝗻𝗮 𝘁𝗮𝗻𝘁𝗲𝗹𝘆 𝗻𝘆 𝗺𝗽𝗼𝗻𝗶𝗻𝗮 𝗵𝗼 𝗳𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝗮𝗹𝗮

𝘔𝘦𝘯𝘢𝘣𝘦, 25-29 𝘯𝘰𝘷𝘢𝘮𝘣𝘳𝘢 2025

Ho fanatsarana ny velon-tenan’ireo mponina mipetraka amin’ireo fokontany ao amin’ny 𝗮𝗹𝗮 𝗮𝗿𝗼𝘃𝗮𝗻𝗮 𝗠𝗲𝗻𝗮𝗯𝗲 𝗔𝗻𝘁𝗶𝗺𝗲𝗻𝗮 dia nisitraka fampiofanana mahakasika ny fiompiana tantely avy amin’ny #DREDDMenabe, ny #DRAEMenabe ary ny ONG #Fanamby izy ireo. Ny fampiroboroboana ny seha-pihariana maitso tahaka izao dia mandray anjara feno amin’ny fanamafisana ny fiarovana ny atialan’i Menabe Antimena.

Ankoatra ny fampiofanana dia notolorana fitaovana ahafahan’izy ireo misehatra amin’ny fiompiana tantely ihany koa ireo mpiofana. Nampahafantarina azy ireo nandritra ny fiofanana nomena azy, fa mifampiankina tanteraka ny ala sy ny fiompiana tantely ka tokony ho sarotiny amin’ny fiarovana ny atiala izy ireo.

𝗙𝗼𝗸𝗼𝗻𝘁𝗮𝗻𝘆 𝟴 𝗻𝗼 𝗻𝗶𝘀𝗶𝘁𝗿𝗮𝗸𝗮 𝗻𝘆 𝗳𝗮𝗺𝗽𝗶𝗼𝗳𝗮𝗻𝗮𝗻𝗮 :

Kaominina Ambanivohitra Tsimafana : Tsianaloka, Tsimafana

Kaominina Ambanivohitra Beroboka avaratra : Lambokely, Beroboka, Mandroatsy, Anketrevo

Kaominina Ambanivohitra Marofandilia: Kirindy village