🌳🌳𝗔𝗻𝗶𝘀𝗮𝗻’𝗻𝘆 𝗹𝗼𝗵𝗮𝗵𝗲𝘃𝗶𝘁𝗿𝗮 𝗵𝗶𝗳𝗮𝗻𝘁𝗼𝗵𝗮𝗻’𝗻𝘆 𝗮𝗱𝗶𝗵𝗲𝘃𝗶𝘁𝗿𝗮 𝗺𝗮𝗻𝗱𝗿𝗶𝘁𝗿𝗮 𝗻𝘆 𝗖𝗢𝗣𝟯𝟬 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝗮𝗹𝗮 𝗺𝗮𝗻𝗱𝗼🌿

Tanterahina any #Belém – #Brésil ny 10 – 21 novambra 2025 ny 𝗙𝗶𝘃𝗼𝗿𝗶𝗮𝗺𝗯𝗲 𝗶𝗿𝗮𝗶𝘀𝗮𝗺-𝗽𝗶𝗿𝗲𝗻𝗲𝗻𝗮 𝗳𝗮𝗵𝗮-𝟯𝟬 𝗺𝗮𝗵𝗮𝗸𝗮𝘀𝗶𝗸𝗮 𝗻𝘆 𝘁𝗼𝗲𝘁𝗿𝗮𝗻𝗱𝗿𝗼 #𝗖𝗢𝗣𝟯𝟬. Fihaonambe ho an’ny asa izay hifantoka kokoa amin’ny fanamafisana ny fiaraha-miasan’ny firenena tsirairay amin’ny fanatanterahana ny fifanarahana iraisam-pirenena hiadiana amin’ny fiovan’ny toetrandro ary ny fampifandraisana ny fiovan’ny toetrandro amin’ny fiainana andavanandron’ny mponina.

Ny 10 novambra teo no nisokatra tamin’ny fomba ofisialy ny #COP30. Miisa 𝟭𝟵𝟳 𝗻𝘆 𝗳𝗶𝗿𝗲𝗻𝗲𝗻𝗮 mpikambana ao anatin’ny 𝗖𝗼𝗻𝘃𝗲𝗻𝘁𝗶𝗼𝗻-𝗰𝗮𝗱𝗿𝗲 𝗱𝗲𝘀 𝗡𝗮𝘁𝗶𝗼𝗻𝘀 𝘂𝗻𝗶𝗲𝘀 𝘀𝘂𝗿 𝗹𝗲𝘀 𝗰𝗵𝗮𝗻𝗴𝗲𝗺𝗲𝗻𝘁𝘀 𝗰𝗹𝗶𝗺𝗮𝘁𝗶𝗾𝘂𝗲𝘀 (#𝗖𝗖𝗡𝗨𝗖𝗖) manatrika ity fihaonambe ity ary anisan’izany i 𝗠𝗮𝗱𝗮𝗴𝗮𝘀𝗶𝗸𝗮𝗿𝗮.

Mandritra ity COP30 ity dia tafiditra ao anatin’ny fandaharam-potoana ny delegasiona Malagasy ny fandraisana anjara amin’ireo fihaonana sy adisisika isan’ambaratobany, hahafahana miady ny tombontsoan’i Madagasikara entina manatanteraka ireo paikady isan-karazany hanalefahana sy hiatrehana ny vokadratsin’ny fiovan’ny toetrandro.