🌳𝗙𝗮𝗻𝗮𝘃𝗮𝗼𝘇𝗮𝗻𝗮 𝗻𝘆 𝗳𝗶𝘁𝗮𝗻𝘁𝗮𝗻𝗮𝗻𝗮 𝗻𝘆 𝗮𝘁𝗶𝗮𝗹𝗮 𝗵𝗼𝗻𝗸𝗼 𝗮𝗼 𝗔𝗺𝗽𝗮𝗻𝗮𝘀𝗶𝗻𝗮🌳

𝘈𝘮𝘱𝘢𝘴𝘪𝘯𝘢 – 𝘋𝘪𝘴𝘵𝘳𝘪𝘬𝘢𝘯’𝘈𝘮𝘣𝘪𝘭𝘰𝘣𝘦, 18 𝘯𝘰𝘷𝘢𝘮𝘣𝘳𝘢 2025

Taorian’ny tomban’ezaka notanterahin’ny 𝗙𝗶𝘁𝗮𝗹𝗲𝗮𝘃𝗮𝗺-𝗽𝗮𝗿𝗶𝘁𝗿𝘆 𝗻𝘆 𝗧𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝘀𝘆 𝗻𝘆 𝗙𝗮𝗻𝗱𝗿𝗼𝘀𝗼𝗮𝗻𝗮 𝗟𝗼𝘃𝗮𝗶𝗻𝗷𝗮𝗳𝘆 #𝗗𝗥𝗘𝗗𝗗𝗗𝗜𝗔𝗡𝗔 dia nohavaozina ary hitohy mandritra ny 𝟬𝟱 𝘁𝗮𝗼𝗻𝗮 ny asa 𝗳𝗶𝗸𝗼𝗯𝗮𝗯𝗶𝗮𝗴𝗻𝗮 𝗻𝘆 𝗮𝗹𝗮 𝗵𝗼𝗻𝗸𝗼 sy ireo loharanon-karena voajanahary azo havaozina ao Ampanasina – Kaominina Antsaravibe – Distrikan’Ambilobe.

Ny 𝗩𝗼𝗻𝗱𝗿𝗼𝗻’𝗢𝗹𝗼𝗻𝗮 𝗜𝗳𝗼𝘁𝗼𝗻𝘆 #𝗩𝗢𝗜 « 𝗔𝗺𝗽𝗮𝗻𝗮𝘀𝗶𝗻𝗮 𝗠𝗮𝗶𝘁𝘀𝗼 » no mitantana ity faritra arovana ity izay ahitana 𝗳𝗮𝗿𝗶𝘁𝗿’𝗮𝗹𝗮 𝗵𝗼𝗻𝗸𝗼 𝗺𝗶𝗿𝗲𝗳𝘆 𝟭𝟯𝟱𝟭 𝗛𝗮.

Tontosa ny 18 novambra 2025, teo anatrehan’ireo tompon’andraikitra eny ifotony, mpiara-miombon’antoka, Raiamandreny ara-drazana ary ireo mpikambana amin’ny VOI ny lanonana 𝗳𝗮𝗻𝗮𝗼𝘃𝗮𝗻-𝘁𝘀𝗼𝗻𝗶𝗮 𝗻𝘆 𝗳𝗮𝗻𝗮𝘃𝗮𝗼𝘇𝗮𝗻𝗮 𝗻𝘆 𝗳𝗮𝗺𝗶𝗻𝗱𝗿𝗮𝗺-𝗽𝗶𝘁𝗮𝗻𝘁𝗮𝗻𝗮𝗻𝗮.

Fomba fiasa iray mampahomby ny fiarovana sy fitantanana maharitra ny harena voajanahary ny fampahefana sy fampandraisan’andraikitra ny eny ifotony. Ny Minisitera #𝗠𝗘𝗗𝗗 kosa dia manohana akaiky ny VOI hampahomby ny asa fiarovana izay ataony.

Tombony lehibe ho an’ireo VOI ao amin’ny helidranon’Ambaro ireto ny tohana ataon’ny WWF Madagascar izay manome tantsoroka azy ireo amin’ny asa fiarovana sy ny fanatsarana ny velontenan’izy ireo.