🌳𝗙𝗮𝗻𝗮𝗺𝗼𝗿𝗮𝗻𝗮 𝗻𝘆 𝗳𝗶𝗱𝗶𝗿𝗮𝗻𝗮 𝗮𝗺𝗶𝗻’𝗻𝘆 𝗳𝗮𝗺𝗮𝘁𝘀𝗶𝗮𝗺-𝗯𝗼𝗹𝗮 𝗵𝗼 𝗮𝗻’𝗻𝘆 𝘁𝗼𝗲𝘁𝗿𝗮𝗻𝗱𝗿𝗼

𝘛𝘰𝘢𝘮𝘢𝘴𝘪𝘯𝘢, 2-3-4 𝘴𝘦𝘱𝘵𝘢𝘮𝘣𝘳𝘢 2025

Taorian’ireo atrikasa tany Antsiranana, Mahajanga, Ambovombe ary Fianarantsoa, dia 𝗧𝗼𝗮𝗺𝗮𝘀𝗶𝗻𝗮 indray no nandray ny 𝗮𝘁𝗿𝗶𝗸𝗮𝘀𝗮 𝗳𝗶𝗳𝗮𝗺𝗽𝗶𝗱𝗶𝗻𝗶𝗵𝗮𝗻𝗮 𝗶𝘀𝗮𝗺-𝗽𝗮𝗿𝗶𝘁𝗿𝗮 sy fanentanana momba ny fahafahana mitantana ny famatsiam-bola maintso mifandraika amin’ny fiovan’ny toetrandro.

Ity hetsika ity dia tafiditra ao anatin’ny fanatanterahana ny rafitra iasan’ny 𝗔𝘂𝘁𝗼𝗿𝗶𝘁𝗲́ 𝗡𝗮𝘁𝗶𝗼𝗻𝗮𝗹𝗲 𝗗𝗲́𝘀𝗶𝗴𝗻𝗲́𝗲 (#𝗔𝗡𝗗) ho an’ny 𝗧𝗮𝗵𝗶𝗿𝗶𝗺-𝗯𝗼𝗹𝗮 𝗠𝗮𝗶𝘁𝘀𝗼 𝗵𝗼 𝗮𝗻’𝗻𝘆 𝗧𝗼𝗲𝘁𝗿𝗮𝗻𝗱𝗿𝗼 (#𝗚𝗖𝗙) eto Madagasikara, izay nokarakarain’ny 𝗠𝗶𝗻𝗶𝘀𝗶𝘁𝗲𝗿𝗮𝗻’𝗻𝘆 𝗧𝗼𝗻𝘁𝗼𝗹𝗼 𝗜𝗮𝗶𝗻𝗮𝗻𝗮 𝘀𝘆 𝗻𝘆 𝗙𝗮𝗻𝗱𝗿𝗼𝘀𝗼𝗮𝗻𝗮 𝗟𝗼𝘃𝗮𝗶𝗻𝗷𝗮𝗳𝘆 (#𝗠𝗘𝗗𝗗), tamin’ny alalan’ny #𝗕𝗡𝗖𝗖𝗥𝗘𝗗𝗗+ sy ny #𝗙𝗔𝗢.

Mpisehatra maro avy amin’ny sehatra tsy miankina sy miankina amin’ny fanjakana ary ny fiarahamonim-pirenena, avy amin’ny faritra 𝗜𝘁𝗮𝘀𝘆, 𝗕𝗼𝗻𝗴𝗼𝗹𝗮𝘃𝗮, 𝗔𝗹𝗮𝗼𝘁𝗿𝗮 𝗠𝗮𝗻𝗴𝗼𝗿𝗼, 𝗔𝗻𝗮𝗹𝗮𝗻𝗷𝗶𝗿𝗼𝗳𝗼 ary 𝗔𝘁𝘀𝗶𝗻𝗮𝗻𝗮𝗻𝗮, no nifanakalo hevitra mikasika ny paikady sy fomba fiasa hanamorana ny fidirana amin’ny famatsiam-bola ho an’ny toetrandro.

𝗧𝗮𝗻𝗷𝗼𝗻𝗮 :

Hanangona ny hevitr’ireo mpandray anjara momba ny rafitra iasan’ny #𝗔𝗡𝗗,

Hametraka fitaovana mahomby hanamorana ny fidirana amin’ny famatsiam-bolan’ny #𝗚𝗖𝗙,

Fanentanana ny rafitra eo an-toerana amin’ny fitantanana ny famatsiam-bola maintso, hahafahan’izy ireo misitraka izany mivantana.