🌳𝗙𝗮𝗺𝗮𝗿𝗮𝗻𝗮𝗻𝗮 𝗮𝗺𝗶𝗻’𝗻𝘆 𝗳𝗼𝗺𝗯𝗮 𝗼𝗳𝗶𝘀𝗶𝗮𝗹𝘆 𝗻𝘆 𝘁𝗲𝘁𝗶𝗸𝗮𝘀𝗮 𝗔𝗕𝗦 𝗠𝗔𝗗𝗔🌿

Notanterahina ny 29 oktobra 2025 ny famaranana amin’ny fomba ofisialy ny tetikasa #ABSMada, tetikasa teto anivon’ny Minisiteran’ny Tontolo iainana sy ny Fandrosoana Lovainjafy (#MEDD) izay nisehatra manokana amin’ny fanomezan-danja ny 𝗵𝗮𝗿𝗲𝗻𝗮 𝗳𝗼𝘁𝗼𝘁𝗮𝗿𝗮𝘇𝗼 avy amin’ny 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆.

Nanome voninahitra ity fotoana ity ny mpiara-miombon’antoka isan-tsokajiny fa indrindra ny solontenan’ny 𝘃𝗼𝗻𝗱𝗿𝗼𝗺-𝗽𝗶𝗮𝗿𝗮𝗵𝗮-𝗺𝗼𝗻𝗶𝗻𝗮 𝗲𝗻𝘆 𝗶𝗳𝗼𝘁𝗼𝗻𝘆 izay nisitraka tombony mivantana tamin’ny tetikasa.

Nanomboka ny volana 𝘀𝗲𝗽𝘁𝗮𝗺𝗯𝗿𝗮 𝟮𝟬𝟮𝟭 no niasan’ny tetikasa, tanjony napetraka ny 𝗳𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗿𝗮𝗳𝗶𝘁𝗿𝗮 𝗻𝗮𝘀𝗶𝗼𝗻𝗮𝗹𝘆 amin’ny lafiny politika, lalàna ary ny rafitra ara-panjakana ho fanatanterahana ny 𝗙𝗶𝗳𝗮𝗻𝗮𝗿𝗮𝗵𝗮𝗻’𝗶 𝗡𝗮𝗴𝗼𝘆𝗮 momba ny rohifiasa #APA (𝗔𝗰𝗰𝗲̀𝘀 𝗲𝘁 𝗣𝗮𝗿𝘁𝗮𝗴𝗲 𝗱𝗲𝘀 𝗔𝘃𝗮𝗻𝘁𝗮𝗴𝗲𝘀) mba hahafahan’i Madagasikara sy ny mpisehatra tsirairay misitraka tombotsoa avy amin’ny fanomezan-danja ny 𝗵𝗮𝗿𝗲𝗻𝗮 𝗳𝗼𝘁𝗼𝘁𝗮𝗿𝗮𝘇𝗼 (𝗿𝗲𝘀𝘀𝗼𝘂𝗿𝗰𝗲𝘀 𝗴𝗲́𝗻𝗲́𝘁𝗶𝗾𝘂𝗲𝘀) sy ny fahalalana nentim-paharazana amin’ny fampiasana ny harena voajanahary.

Nandritra ity fotoana famaranana ny tetiksa ity no nizarana ireo asa mivaingana vitan’ny tetikasa, ny lesona azo notsoahana ary ny fomba hahafahana manapariaka ireo fahaiza-manao azo tamin’ny tetikasa ABS MADA ireo.