🌱🌿𝗠𝗮𝗺𝗯𝗼𝗹𝘆 𝗵𝗮𝘇𝗼 𝗶𝘀𝗶𝗸𝗮 𝗳𝗮 𝘁𝘀𝘆 𝗺𝗮𝗻𝗮𝘁𝘀𝗮𝘁𝗼𝗸𝗮 𝗵𝗮𝘇𝗼! 𝗠𝗶𝘁𝗮𝗸𝘆 𝗳𝗮𝗻𝗮𝗿𝗮𝗵𝗮-𝗺𝗮𝘀𝗼 𝘀𝘆 𝗳𝗶𝗸𝗮𝗿𝗮𝗸𝗮𝗿𝗮𝗻𝗮 𝗺𝗮𝗻𝗼𝗸𝗮𝗻𝗮 𝗻𝘆 𝗳𝗮𝗻𝗮𝗼𝘃𝗮𝗻𝗮 𝗳𝗮𝗺𝗯𝗼𝗹𝗲𝗻-𝗸𝗮𝘇𝗼 𝗳𝗮 𝘁𝘀𝘆 𝘃𝗶𝘁𝗮 𝗶𝗻𝗱𝗿𝗮𝘆 𝗮𝗻𝗱𝗿𝗼.🌳

Ankazobe, 15 𝘫𝘢𝘯𝘰𝘢𝘳𝘺 2026

« 𝘐𝘻𝘢𝘺 𝘮𝘢𝘮𝘣𝘰𝘭𝘺 𝘩𝘢𝘻𝘰, 𝘮𝘢𝘯𝘰𝘮𝘦 𝘢𝘪𝘯𝘢 »

Ao anatin’ny fotoana fanaovana 𝗳𝗮𝗺𝗯𝗼𝗹𝗲𝗻-𝗸𝗮𝘇𝗼 tanteraka isika amin’izao 𝘃𝗮𝗻𝗶𝗺-𝗽𝗼𝘁𝗼𝗮𝗻𝗮 𝗳𝗮𝗵𝗮𝘃𝗮𝗿𝗮𝘁𝗿𝗮 izao. Samy manana anjara andraikitra amin’izany avokoa isika rehetra ho fanarenana ny ala sy hikajiana ny tontolo iainana misy antsika. Ny #𝗠𝗘𝗗𝗗 dia mpitarika sy mandrindra ny fanaovana fambolen-kazo fa isika rehetra dia asaina hanao izany avokoa.

Nifamotoana teny amin’ny 𝗸𝗮𝗼𝗺𝗶𝗻𝗶𝗻𝗮 𝗔𝗺𝗯𝗼𝗵𝗶𝘁𝗿𝗼𝗺𝗯𝘆 – 𝗗𝗶𝘀𝘁𝗿𝗶𝗸𝗮𝗻’𝗔𝗻𝗸𝗮𝘇𝗼𝗯𝗲 ny teto anivon’ny 𝗙𝗮𝗿𝗶𝘁𝗿𝗮 𝗔𝗻𝗮𝗹𝗮𝗺𝗮𝗻𝗴𝗮 nanatanteraka fambolen-kazo, izay nokarakarain’ny 𝗗𝗥𝗘𝗗𝗗 𝗔𝗻𝗮𝗹𝗮𝗺𝗮𝗻𝗴𝗮. Velaran-tany 3Ha no voavoly 𝘇𝗮𝗻𝗮𝗸𝗮𝘇𝗼 𝟯𝟱𝟬𝟬 𝗳𝗼𝘁𝗼𝘁𝗿𝗮. Nitarika ny hetsika teny an-toerana ny Lehiben’ny Faritra Analamanga, ny Tale Jeneralin’ny Haitondra ara-tontolo iainana eto anivon’ny MEDD, ny Solombavambahoaka voafidy tao Ankazobe, ny Vondrona Eoropeana sy mpiara-miombon’antoka maro ary ny mponina eny an-toerana.

Nanentana ny tsirairay hanamafy ny fanaraha-maso ireto zanakazo ireto ireo rehetra nandray fitenenana, anisan’izany ny fanamafisana ny ady amin’ny doro tanety. Fanamby manokana ny hampahomby ny hetsika fambolen-kazo izay ataontsika hamerenana ho maitso indray an’i Madagasikara.