🌍🌿𝗙𝗮𝗻𝗮𝗺𝗮𝗿𝗶𝗵𝗮𝗻𝗮 𝗻𝘆 𝗮𝗻𝗱𝗿𝗼 𝗶𝗿𝗮𝗶𝘀𝗮𝗺-𝗽𝗶𝗿𝗲𝗻𝗲𝗻𝗮 𝗵𝗼 𝗮𝗻’𝗻𝘆 𝘁𝗼𝗲𝘁𝗿𝗮𝗻𝗱𝗿𝗼

𝘒𝘪𝘢𝘯𝘫𝘢 𝘉𝘢𝘳𝘦𝘢 – 𝘔𝘢𝘩𝘢𝘮𝘢𝘴𝘪𝘯𝘢, 12 𝘥𝘦𝘴𝘢𝘮𝘣𝘳𝘢 2025

Hetsika fanadiovana sy fanangonana fako ary fampiofanana momba ny fanodinana fako no nentina nanamarika ny andro iraisam-pirenena ho an’ny toetrandro izay notanterahina ny 12 desambra 2025 teny Mahamasina. Anisan’ny olana lehibe mitarika ny fiovan’ny toetrandro ankehitriny ny fandotoana ateraky ny tsy fifehezana ny fako. Antony anamafisan’ny Minisiteran’ny Tontolo iainana sy ny Fandrosoana Lovainjafy (#MEDD) ny fanentanana sy ny fampiofanana ny tanora amin’ny fanodinana fako ho fampiroboroboana ny fandraharahana amin’ity sehatra ity.

Nisy arak’izany ny hetsika fifaninana manadio « Trash backpack challenge » izay nokarakarain’ny #𝗦𝗔𝗩𝗘 (𝗦𝘂𝘀𝘁𝗮𝗶𝗻𝗮𝗯𝗹𝗲 𝗔𝗰𝘁𝗶𝗼𝗻 𝗳𝗼𝗿 𝗮 𝗩𝗶𝘁𝗮𝗹 𝗘𝗻𝘃𝗶𝗿𝗼𝗻𝗻𝗲𝗺𝗲𝗻𝘁) niaraka tamin’ny #MEDD sy ny #MJS (Minisiteran’ny Tanora sy ny Fanatanjahan-tena) teny Mahamasina. Tanora avy amina fikambanana sy sehatra tsy miankina maro samihafa no nandray anjara tamin’izany, izay samy resy lahatra avokoa amin’ny fiarovana ny tontolo iainana sy vonona handray andraikitra amin’ny ady amin’ny fiovan’ny toetrandro.

Nifanome tanana tamin’ny #𝗠𝗘𝗗𝗗 sy ny #𝗠𝗝𝗦 tamin’ny fikarakarana ity hetsika ity ny #𝗨𝗡𝗜𝗖𝗘𝗙 sy ny #𝗔𝗜𝗞𝗔 ary ny 𝗙𝗼𝗻𝗱𝗮𝘁𝗶𝗼𝗻 𝗧𝗮𝗻𝘆 𝗠𝗲𝘃𝗮.