🌊🐠𝗡𝗼𝘀𝘆 𝗕𝗲 : 𝗡𝗶𝘀𝗶𝘁𝗿𝗮𝗸𝗮 𝗗𝗖𝗣 (𝗗𝗶𝘀𝗽𝗼𝘀𝗶𝘁𝗶𝗳 𝗱𝗲 𝗖𝗼𝗻𝗰𝗲𝗻𝘁𝗿𝗮𝘁𝗶𝗼𝗻 𝗱𝗲 𝗣𝗼𝗶𝘀𝘀𝗼𝗻) 𝗻𝘆 𝗳𝗶𝗸𝗮𝗺𝗯𝗮𝗻𝗮𝗻’𝗻𝘆 𝗺𝗽𝗮𝗻𝗷𝗼𝗻𝗼 𝗮𝗼 𝗠𝗮𝗿𝗼𝗱𝗼𝗸𝗮 𝗔𝗺𝗯𝗮𝗻𝗼𝗿𝗼 𝗵𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘃𝗮𝗹𝗮𝗻𝗷𝗮𝘃𝗮𝗯𝗼𝗮𝗿𝘆 𝗟𝗼𝗸𝗼𝗯𝗲

𝘕𝘰𝘴𝘺 𝘉𝘦, 12 𝘥𝘦𝘴𝘢𝘮𝘣𝘳𝘢 2025

DCP (Dispositif de Concentration de Poisson) miisa telo no natolotra ireo mpanjono ao Marodoka Ambanoro – Distrikan’i Nosy Be, vokatry ny fiaraha-miasa eo amin’ny #DREDDDIANA sy ny Madagascar National Parks (#MNP) Lokobe ary ny fikambanan’ny mpanjono ao an-toerana.

Famaliana ny hetahetan’ireo mpanjono monina akaikin’ny faritra arovana #Lokobe sy ho fanampiana azy ireo amin’ny fanatsarana ny velontenany ary fanamafisana ny fiarovana ny faritra arovana Lokobe mba tsy hisian’ny fanjonoana ao anatin’ny faritra arovana an-dranomasina no antony lehibe nanaovana izao tohana izao.

Naneho ny fankasitrahany ny tohana izay nomena azy ireo ny fikambanan’ny mpanjono, ary nanome toky ny Filohan’ny Fikambanan’ny mpanjono fa handray anjara feno amin’ny fiarovana ny valanjavaboary Lokobe.