𝟮𝟬𝟮𝟲 : 𝗧𝗮𝗼𝗻𝗮 𝗵𝗮𝗻𝗮𝗼𝘃𝗮𝗻𝗮 𝗲𝘇𝗮𝗸𝗮 𝗺𝗮𝗻𝗼𝗸𝗮𝗻𝗮 𝗵𝗶𝘁𝗼𝗻𝗱𝗿𝗮𝗻𝗮 𝗳𝗮𝗻𝗮𝘃𝗮𝗼𝘇𝗮𝗻𝗮 𝘁𝘀𝗮𝗿𝗮 𝗸𝗼𝗸𝗼𝗮 𝗲𝗼 𝗮𝗺𝗶𝗻’𝗻𝘆 𝘀𝗲𝗵𝗮𝘁𝗿𝘆 𝗳𝗶𝗸𝗮𝗷𝗶𝗮𝗻𝗮 𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮

𝘈𝘯𝘵𝘴𝘢𝘩𝘢𝘷𝘰𝘭𝘢, 06 𝘫𝘢𝘯𝘰𝘢𝘳𝘺 2026

Amin’izao tonon-taona izao dia niarahaba sy nirary soa an’Andriamatoa Minisitra Manesimana Rafanomezantsoa Michaël ireo tompon’andraikitra mpiara-miasa akaiky aminy eto anivon’ny Minisiteran’ny Tontolo iainana sy ny Fandrosoana Lovainjafy (#MEDD) sy ireo avy amin’ny rantsamangaika. Fotoana izay nampitan’ Andriamatoa Minisitra ihany koa ny fankasitrahana ny mpiara-miasa tsirairay tamin’ny ezaka vita nandritra ny taona lasa teo, ary nankaherezany amin’ny hanaovana dingana sy ezaka lehibe amin’ity taona 2026 ity, mba hahazoana vokatra mivaingana sy fanavaozana tsara kokoa eo amin’ny sehatry ny tontolo iainana sy ny fitantanana maharitra ny harena voajanahary, ho an’ny tombotsoan’ny firenena sy ny taranaka.