𝗡𝘆 𝘃𝗼𝗹𝗮𝗻𝗮 𝗦𝗲𝗽𝘁𝗮𝗺𝗯𝗿𝗮, 𝗢𝗸𝘁𝗼𝗯𝗿𝗮 𝗮𝗿𝘆 𝗡𝗼𝘃𝗮𝗺𝗯𝗿𝗮 𝗻𝗼 𝘁𝗲𝗻𝗮 𝗮𝗵𝗶𝘁𝗮𝗻𝗮 𝗻𝘆 𝗳𝗶𝘃𝗮𝗻𝗴𝗼𝗻𝗴𝗼𝗮𝗻’𝗻𝘆 𝘀𝗲𝘁𝗿𝗼𝗸𝗮 𝗲𝗻𝘆 𝗮𝗻’𝗵𝗮𝗯𝗮𝗸𝗮𝗯𝗮𝗸𝗮 𝗶𝘇𝗮𝘆 𝗺𝗶𝘁𝗲𝗿𝗮𝗸𝗮 𝗳𝗮𝗵𝗮𝗹𝗼𝘁𝗼𝗮𝗻’𝗻𝘆 𝗿𝗶𝘃𝗼𝘁𝗿𝗮 𝗲𝘁𝗼 𝗔𝗻𝘁𝗮𝗻𝗮𝗻𝗮𝗿𝗶𝘃𝗼

 Ny fisian’ny orana sy ny rivotra irery ihany anefa no afaka mampisinda io zavona na setroka io. Rehefa avy ny orana dia midina ety amin’ny tany ny PM na rehefa tsofin’ny rivotra mafimafy ihany koa izy dia miparitaka.

𝗜𝗿𝗲𝘁𝗼 𝗺𝗮𝗻𝗮𝗿𝗮𝗸𝗮 𝗶𝗿𝗲𝘁𝗼 𝗻𝗼 𝗮𝗻𝘁𝗼𝗻𝘆 𝗺𝗮𝗵𝗮𝘁𝗼𝗻𝗴𝗮 𝗻𝘆 𝗳𝗶𝘀𝗶𝗮𝗻’𝗶𝗼 𝘀𝗲𝘁𝗿𝗼𝗸𝗮 𝗺𝗮𝗹𝗼𝘁𝗼 𝗶𝗼 :

Manenjika mamita ny asany mialohan’ny fahavaratra ireo mpandoro biriky sy mpanao arina fandrehitra.

Ny setroka maloto avoakan’ny fiarakodia sy ny kodiarandroa tranainy.

Ny setroky ny doro tanety sy ny doro ala.

Ny fandorona fako

Manoloana izany Ny Ministera ny Tontolo iainana sy ny Fandrosoana Lovain-jafy (#MEDD) ny Ministère Fahasalamam-bahoaka (#MSANP) ny 𝗙𝗼𝗶𝗯𝗲 𝗳𝗮𝗺𝗮𝗻𝘁𝗮𝗿𝗮𝗻𝗮 𝗻𝘆 𝘁𝗼𝗲𝘁𝗿𝘆 𝗻𝘆 𝗮𝗻𝗱𝗿𝗼 ary ny Institut National des Sciences et Techniques Nucléaire (#INSTN) dia namolavola ny « 𝗕𝘂𝗹𝗹𝗲𝘁𝗶𝗻 𝗱𝗲 𝗾𝘂𝗮𝗹𝗶𝘁𝗲́ 𝗱𝗲 𝗹’𝗮𝗶𝗿 » na ny tatitra momba ny kalitaon’ny rivotra izay fepetra voantondro ao amin’ny fenitra nasionaly momba kalitaon’ny rivotra, hahafahan’ny tsirairay maka ny fepetra mifanraka amin’izany.

𝗜𝗿𝗲𝗼 𝗳𝗶𝗵𝗲𝘁𝘀𝗶𝗸𝗮 𝗮𝘁𝗮𝗼 𝗵𝗮𝗻𝗲𝗻𝗮𝗻𝗮 𝗻𝘆 𝗳𝗮𝗵𝗮𝗹𝗼𝘁𝗼𝗮𝗻’𝗻𝘆 𝗿𝗶𝘃𝗼𝘁𝗿𝗮 :

Samy afaka mandray ny andraikitra isorohana sy anenana ny fahaloton’ny rivotra avokoa ny tsirairay :

Ahena na atsahatra ny fandorana biriky amin’ny fijerena fomba hafa fanaovana izany.

Fanenana ny fifamezivezen’ny fiara sy ny kodiarandroa misy motera ary mila samy miezaka manamboatra ny fiarany sy ny kodiarandroa ampiasainy ny tsirairay mba hanenana ny famoahan’izy ireny setroka maloto.

Tsy avela hivangongo sy tsy dorana ny fako.

Raha azo atao, dia ahena ny fampiasana arina na kitay amin’ny fandrahoan-tsakafo ao an-trano, mba hampihenana ny fandotoana anatiny, indrindra fa any amin’ireo faritra tena maloto rivotra.

Tsara raha volena ireny zavamaniry manadio rivotra na mitroka fahalotoana ireny (plante dépolluant) manodidina ny toeram-ponenana, ao an-trano na any amin’ny toeram-piasana koa aza.

Hamafisina ny ady amin’ny doro tanety

Efa misy ny fitaovam-pandrefesana sy fanaraha-maso ny kalitaon’ny rivotra ary azonao atao ny manaraka ny fivoaran’ny kalitaon’ny rivotra amin’ny alalan’ny alalan’ny rindram-baiko Airvisual.