𝗙𝗶𝘁𝗮𝗻𝘁𝗮𝗻𝗮𝗻𝗮 𝗺𝗮𝗵𝗮𝗿𝗶𝘁𝗿𝗮 𝗻𝘆 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆 : 𝗙𝗮𝗺𝗶𝗻𝗱𝗿𝗮𝗺-𝗽𝗶𝘁𝗮𝗻𝘁𝗮𝗻𝗮𝗻𝗮 𝗺𝗶𝗶𝘀𝗮 𝘁𝗲𝗹𝗼 𝘁𝗼𝗻𝘁𝗼𝘀𝗮 𝘁𝗮𝗼 𝗔𝗺𝗯𝗼𝗮𝘀𝗮𝗿𝘆 𝗔𝘁𝘀𝗶𝗺𝗼

𝘈𝘮𝘣𝘰𝘢𝘴𝘢𝘳𝘺 𝘈𝘵𝘴𝘪𝘮𝘰 – 𝘍𝘢𝘳𝘪𝘵𝘳𝘢 𝘈𝘯𝘰̂𝘴𝘺

Manamafy hatrany ny fiaraha-miasa miaraka amin’ireo vondron’olona ifotony (#VOI) ny Minisiteran’ny Tontolo iainana sy ny Fandrosoana Lovainjafy (#MEDD) ho fanamafisana ny fitantanana maharitra ny harena voajanahary. Ny 6 – 7 novambra 2025 teo dia 𝗳𝗮𝗻𝗮𝗼𝘃𝗮𝗻-𝘁𝘀𝗼𝗻𝗶𝗮 𝗳𝗮𝗺𝗶𝗻𝗱𝗿𝗮𝗺-𝗽𝗶𝘁𝗮𝗻𝘁𝗮𝗻𝗮𝗻𝗮 𝗳𝗮𝗿𝗶𝘁𝗿𝗮 𝗮𝗿𝗼𝘃𝗮𝗻𝗮 tamina Vondron’olona ifotony (#VOI) 𝗺𝗶𝗶𝘀𝗮 𝘁𝗲𝗹𝗼 no tontosa tao amin’ny Faritra Anosy – Distrikan’Amboasary. Ny #𝗠𝗘𝗗𝗗 #𝗗𝗥𝗘𝗗𝗗𝗔𝗻𝗼̂𝘀𝘆 sy ny tetikasa 𝗣𝗔-𝗖𝗜𝗪𝗧 no manao ny tantsorokan’ireto famindram-pinantanana ireto :

𝗡𝗔𝗣 𝗕𝗲𝗵𝗮𝗿𝗮 𝗧𝗿𝗮𝗻𝗼𝗺𝗮𝗿𝗼

Velaran’ala 4233Ha no ho tantanin’ny 𝗩𝗢𝗜 𝗠𝗮𝗵𝗮𝘃𝗼𝘁𝘀𝗲 ao amin’ny kaominina Behara ary 4372Ha ho tantanin’ny 𝗩𝗢𝗜 𝗠𝗮𝗻𝗱𝗿𝗼𝘀𝗼 ao amin’ny kaominina Tranomaro. Ny NAP Behara Tranomaro dia faritr’ala maiky sy ala tsilo ary ahitana karazana sokatra mampiavaka manokana an’i Madagasikara, dia ny 𝗦𝗼𝗸𝗮𝗸𝗲 (𝘈𝘴𝘵𝘳𝘰𝘤𝘩𝘦𝘭𝘺𝘴 𝘳𝘢𝘥𝘪𝘢𝘵𝘢) sy ny 𝗦𝗼𝗸𝗮𝗯𝗮𝘁𝗼 (𝘗𝘺𝘹𝘪𝘴 𝘢𝘳𝘢𝘤𝘩𝘯𝘰𝘪𝘥𝘦𝘴).

𝗔𝗣 𝗦𝘂𝗱-𝗢𝘂𝗲𝘀𝘁 𝗜𝗳𝗼𝘁𝗮𝗸𝘆

Faritr’ala mirefy 1981Ha no ho tantanin’ny 𝗩𝗢𝗜 𝗔𝗴𝗻𝗮𝗹𝗼𝗮𝗹𝗼 𝗠𝗮𝘇𝗼𝘁𝗼 ao amin’ny kaominina Ifotaky. Mampiavaka manokana ity faritra arovana ity ny fisian’ny karazam-biby toa ny 𝗦𝗶𝗳𝗮𝗸𝗮 (𝘗𝘳𝘰𝘱𝘪𝘵𝘩𝘦𝘤𝘶𝘴 𝘷𝘦𝘳𝘳𝘦𝘢𝘶𝘹𝘪𝘪) sy ny 𝗠𝗮𝗸𝗶 (𝘓𝘦𝘮𝘶𝘳 𝘤𝘢𝘵𝘵𝘢) ao aminy.

Nanotrona ny fotoana nanaovan-tsonia ireto famindram-pitantanana ireto ny DREDD Anôsy, Faritra Anôsy, ireo kaominina sy fokontany voakasika, ary ireo mpiara-miombon’antoka MNP, ECART, NITIDAE.