𝗙𝗮𝗿𝗶𝘁𝗿𝗮 𝗮𝗿𝗼𝘃𝗮𝗻𝗮 𝗔𝗻𝘁𝗿𝗲𝗺𝗮 : 𝗕𝗲𝗮𝘇𝗶𝗻𝗮 𝗵𝗮𝗻𝗱𝗿𝗮𝘆 𝗮𝗻𝗱𝗿𝗮𝗶𝗸𝗶𝘁𝗿𝗮 𝗮𝗺𝗶𝗻’𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘃𝗮𝗹𝗮𝗻𝗷𝗮𝘃𝗮𝗯𝗼𝗮𝗿𝘆 𝗻𝘆 𝗺𝗽𝗼𝗻𝗶𝗻𝗮 𝗺𝗮𝗻𝗼𝗱𝗶𝗱𝗶𝗻𝗮

𝘈𝘯𝘵𝘳𝘦𝘮𝘢 – 𝘒𝘢𝘰𝘮𝘪𝘯𝘪𝘯𝘢 𝘒𝘢𝘵𝘴𝘦𝘱𝘺, 21 𝘯𝘰𝘷𝘢𝘮𝘣𝘳𝘢 2025

Mitana anjara toerana lehibe amin’ny fitantanana mahatitra ny Fatitra arovana Antrema ny fitaizana ny mponina manodidina ho tompon’andraikitra amin’ny fiarovana ny harena voajanahary ao aminy.

Nanantanteraka asa fanentanana sy fanabeazana ara-tontolo iainana tao ami’ny Fokontany #Antrema, Kaominina – #Katsepy, ny #DREDDBoeny, ny zoma 21 novambra 2025. Sekoly ao anatina vakim-paritra miisa 5 eo anivon’ny Fokontany Antrema no nisitraka ny fanabeazana ara-tontolo iainana izay nahitana ny fandraisan’anjaran’ny ankizy miisa 148 sy mpanabe.

Niompana tamin’ny fiarovana ny harena voajanahary, ny ady amin’ny afo, fambolen-kazo ary ny fitantanana ny fako no lohahevitra novoaboasana.

Nampiavaka manokana ny fanentanana natao ny fampiasana ny KIT MAD’ERE izay fitaovam-pampianarana manamora kokoa ny fizarana izay atao.

Nifanome tanana tamin’ny fanatanterahana ny fanentanana ny #DREDDBoeny, ny Chef Fokontany #Antrema ary ny #MNHN.