𝗙𝗮𝗻𝗮𝗿𝗲𝗻𝗮𝗻𝗮 𝗮𝗹𝗮 𝗵𝗼𝗻𝗸𝗼 𝗮𝗼 𝗮𝗺𝗶𝗻’𝗻𝘆 𝗕𝗮𝗶𝗲 𝗱𝗲 𝗟𝗮𝗹𝗼𝘇𝗮 : 𝗺𝗮𝗵𝗲𝗿𝗶𝗻’𝗻𝘆 𝟵𝟬% 𝗻𝘆 𝘁𝗮𝗵𝗮𝗺-𝗽𝗮𝗵𝗼𝗺𝗯𝗶𝗮𝘇𝗮𝗻𝗮

Maherin’ny 90% ny taham-pahombiazan’ny fambolena honko tao amin’ny Baie de Laloza – Faritra Sofia izay notanterahin’ny Fitaleavam-paritry ny Tontolo iainana sy ny Fandrosoana Lovainjafy Sofia #DREDDSofia sy ny #Bôndy ary ireo mponina eny ifotony. Tao amin’ny kaominina Befotaka – distrikan’Analalava sy ny kaominina Ankerika – distrikan’Antsohihy no nanatanterahana ireto fambolena honko ireto ny volana desambra 2024 sy ny volana martsa 2025 teo ary nandray anjara feno tamin’izany ireo mponina manodina ity toerana ity, izay mpanjono ny ankamaroany.

Resy lahatra amin’ny fiarovana ny ala honko ny mponina satria dia manatsara ny velontena sy ny fiharian’izy ireo ny fiverenan’ny ala honko.

#MEDD #DREDDSofia #Bôndy #BaiedeLaloza #alahonko #toekarenamanga