𝐌𝐚𝐧𝐚𝐦𝐚𝐟𝐲 𝐧𝐲 𝐟𝐚𝐧𝐚𝐯𝐚𝐨𝐳𝐚𝐧𝐚 𝐚𝐫𝐚-𝐭𝐨𝐞𝐤𝐚𝐫𝐞𝐧𝐚 𝐬𝐲 𝐧𝐲 𝐟𝐚𝐡𝐚𝐫𝐞𝐭𝐚𝐧𝐚 𝐢 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐦𝐢𝐚𝐫𝐚𝐤𝐚 𝐚𝐦𝐢𝐧’𝐧𝐲 𝐅𝐌𝐈

Manatanteraka iraka eto Madagasikara ny Fonds Monétaire International #FMI ny 12 hatramin’ny 16 Janoary 2026, izay mifandraika amin’ny fanohizana ny #FRD (Facilité pour la Résilience et la Durabilité) sy ny #FEC (Facilité Élargie de Crédit).

Manana anjara toerana lehibe amin’ny fanohanana ny fanavaozana ara-toekarena eto Madagasikara ny FMI, ary mifanindrandalana amin’ny vinan’ny Governemantan’ny Fanavaozana ankehitriny izany.

Anisan’ny ivon’ity iraka ataon’ny FMI ity ny mahakasika ny #FRD, izay miompana manokana amin’ny fanamafisana ny ady amin’ny fiovan’ny toetrandro. Ny Minisiteran’ny Tontolo iainana sy ny Fandrosoana Lovainjafy (#MEDD) sy ny Minisiteran’ny Toekarena sy ny Fitantanam-bola (#MEF) no mitarika ny fifampidinihana ary iarahana amin’ireo sehatra rehetra voakasik’izany mivantana. Nandray anjara mavitrika tamin’ireo fihaonana ireo arak’izany ny MEH, MinAgri, INSTAT, BFM, MinJus, OMH, MTA, OSC, BAD, BM.